MÜNCHUAK-TSAI 42:4 - OTSAO BAIBEL (BSI)

⁴ Mongmüi atungkya othom tuita, tsai ngaole tamchu Zang achuakle üntoxle tomtomle ahamle hwom lom azuile tüipongma, chemtue ku othom khato Zang hom to paopuix, ledaokyadu texle atak laxle ku mong ashix.

MÜNCHUAK-TSAI 42:4 ပူးပေါင်းရင်းမြစ်များ

ISAIA 30:29

Ikoxlechu hünzom, Zang khünaknu a mongmüiüi ilaxle otsao pangpwon ja ngaokya ningle hünzome tsai ngaoüi. Israel nok ziakople thomkya Jowanpa Zangshwom-Hom to paopongma thuaput-waxmai hato hüi ang mongmüi atungkya ningle hünzom a mongmüi atungle changüi.

MÜNCHUAK-TSAI 122:1

“Jowanpa hom to donghax”, le hwome ku füi akax pongma, ku ang mongmüikya.

MÜNCHUAK-TSAI 62:8

Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

NAHUM 1:15

Hulax, kaxho mix tuita, müikya kaxho füi haxnukhobu to nguile ngole! Chix a chixe lütkya bama sungdünüi khakha! Judah khünaknu, hünzome pangpwonle nüilax ilaxle hünzome otsingtsing ma chem tsaosaxle changdaopuix, ija Zang ang laxkox. Chichangchizangkya khünakbue hünzom chaxwan tamchatle tingtakle münchangtoxüi. Hwom a komkaile amüt tsuakdaoa!

MÜNCHUAK-TSAI 100:4

Zangshwom-Hom fülom to münchong fale dongkox, ija nüibu to Zang achuakle nopkox. Chix ang münchong fakox üntoxle chix achuak kox.

MÜNCHUAK-TSAI 55:14

Kwome tata füi künzang mongzang wünle ilaxle tomtomle Zangshwom-Hom ma zangshwomle.

KAXHO MÜIKYA LUK 16:25

“Ikoxle Abraham-e chix kax to lan, ‘Kusa, nang ozün ma ngopongma, nang ang amüimüi pangwüi fadaopuix; ile Lazar-echu chix ang fakya amama kople hüidaoa. Ikoxle athax chix ikha to mongsom ma ngopu, ikoxle nang a sikngün ashukle ngopu.

MANGSOP 2:19

Chatwüichatle Jowanpa to nyak ang zangngaile zokox; Nang mong thokle laxkox ilaxle chix ang nang naosom to chingcha angkya chingcha jukox— Tingjang lomnu pangkha towüi woknuak ma zile ngokya naosombu to a!

JOB LAIPEX 29:2

Ami Zang-e nyele ngopongkya ningle, Ku tsün chatle tamchatkoxba.

2 PUKAX-PANGAO 7:10

ilaxle ifüi angkya nyix a, anüt lükya lyetnu ma nyixtsa azom lükya to tix Solomon-e khünaknu a mahom-hom to afan. Israel khünaknu to, Dawid to, Solomon to, Jowanpae mohiman fakya pangnu bama hwom ang tüle mongmüi.

RUT LAIPEX 1:21

Kue ikha dantox pongma ku okhonguile tüikya, ikoxle Jowanpae ku chak hua ma chat ang tompu. Jowanpae ku wünhai tamchu sikngün zolit ahüile chang füima ku ang Naomi le chem hanpakma nyak angkya?”

TSAITONG-KAXTONG 16:11

Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.

MANGSOP 4:1

Jikjeple ngokya kwom hun bidaoa; Zangshwom-Hom angkya longbu tingjang to chiakle thomle.

2 WANGHOMBU 18:30

Ilaxle hünzome Jowanpa to mongong tüi angkya bama chixe hünzom mong jikle adüt ang taxtom. Jowanpae hünzom khosünle changüi ilaxle Asiria nok süpahibue hünzom tingnu tingtakle chang ang chitomle chixe abaxle tuiüile taxthüt.

2 WANGHOMBU 18:32

Chongwangpa-e hünzom, ma haxtok lailaile tüikya khato chatlaxle tingkople chang ang makox tanto hom zaile, grepti-ju kop angkya grep haxtok hia an zing angkya hanpakma sozam, olip münga hanpakma olip, ilaxle nax-ti tüikya haxtok ma oshing mongle machang tanto hünzome otiatia lüwüi saxlaxle ngo ang ataküi. Chix kaxtombu kax ma laxle hünzom jangtüi, hünzom a münziüi ikoxle Jowanpae hünzom a ozün ma ngo ang tomüile Hezekiah ang hünzom angat ang taxtom.

MÜNCHUAK-TSAI 79:10

“Hünzom Zang a ojongto tüi?”, le, mixnokbue kwom ma büthüikoxle atüi? Nang ibu nok to sikangünkya kwome ngün ang tomhüi, chemthüikoxle hwome nang dapabu aji huanuma ajenle changdaoa.

MÜNCHUAK-TSAI 80:6

Kwom haxtok ma atinle tomzi chaxwanbu azan ang tom; kwom zanpabue kwom to adix-ada.

MÜNCHUAK-TSAI 115:2

“Hünzom Zang ojongkha?”, le onokbue kwom ma büthüikoxle atüi angkya?

MÜNCHUAK-TSAI 122:8

Ku haxnu-homsa hia zuikhuibu hanpakma kue Jerusalem ang thüipu: “Nang ma tumüi-lomkhaokya tüihüi!”

EZEKEL 46:10

Wanghom chu khünaknu ngui pongma ngui ilaxle khünaknu pao pongma paole changüi.

JOEL 2:17

Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.