MÜNCHUAK-TSAI 40:11 - OTSAO BAIBEL (BSI)

¹¹ Jowanpa, kue awanpu nange ku to chingchakya tam zak angkya münchang. Nang mongkün hia akhüixkyae ku jento sünle thomüi.

MÜNCHUAK-TSAI 40:11 ပူးပေါင်းရင်းမြစ်များ

MÜNCHUAK-TSAI 43:3

Nang zangngai hia nang otsingtsing ahüihüi; ibue ku lom naxzun ilaxle nang otsao haxnu Zaion to ku tamchatle naxapüi, nang ngokya Zangshwom-Hom to-a.

MÜNCHUAK-TSAI 23:6

Nang müikya hia mongkün ku zongto tsünjang masule ngoüile kue awanpu; tsünlwotlwot ma nang hom a ku homkha ang ngoüi.

MÜNCHUAK-TSAI 57:3

Zangkangting tokhange chixe ku to lanüi ilaxle ku khosünüi; chixe ku zothuple ngokyabu to anaoüi. Selah Tamchu chizakkya mongkün hia mongong-chalom Zang-e ku ang ahoüi.

WANWÜNKAX 20:28

Chixe sule, mongong-chalom füi tamchu otsao ma apün-adale ngokya kople wanghompa chix tüntong ma ngo ang kopüi.

MÜNCHUAK-TSAI 69:16

Chithaile müingokya mongkün füi ku to lanhüi, Jowanpa; chongkya mongkün-chingcha füi ku hato chat-hüi!

MÜNCHUAK-TSAI 61:7

O Zang, chixe nang ngwotnui makhange okuilole apün-ada ang laxkox; tamchu chizakkya nang mongong hia mongkün füi chix kho-awale kopkox.

MÜNCHUAK-TSAI 69:13

Ikoxlechu ku hanpakma, kue nang towüi jopüi, Jowanpa; nang mongtsukya khama, nange ku zangjop to lanhüi, Zang. Nang mongkün chongkya khoma ku zangjop to lanhüi, chemthüikoxle khosün ba angkya nang kaxtsao nange otia ma thomle.

MÜNCHUAK-TSAI 85:10

Mongkün hia chialekya mongong nyi apongüi; otsao hia mongsom nyi akünüi.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

MÜNCHUAK-TSAI 89:2

Nang mongkün a othuithuima ngoüile kue awanle, chemthüikoxle chialekya nang mongong a zangdingkho lailaile otyatya.