MÜNCHUAK-TSAI 4:7 - OTSAO BAIBEL (BSI)

⁷ Ikoxlechu nange ku ang koxkya mongsom a hwome saxziak hia grep-ti makhange kopkya pangnu khüthak changle.

MÜNCHUAK-TSAI 4:7 ပူးပေါင်းရင်းမြစ်များ

ISAIA 9:3

Nange hwom ang chongkya mongmüi koxdaoa, Jowanpa; nange hwom mongmüi ang tomdaoa. Nange chem mokdaopuix ija füi hwom mongmüile, khünaknue puamün wün pongma mongmüikya ningle chichangba hwome azan pongma kopkya tuina ahan pongma mongmüikya ningle.

MÜNCHUAK-TSAI 37:4

Nange ma mongmüi Jowanpa ma lomlax, nang mong ma atsutsu chixe nang ang faüi.

MÜNCHUAK-TSAI 43:4

O Zang, ifüima ku nang tö-tsap hato nguiüi; nang a ku mongmüi otong changle. Kue ku waxmai mütle nang achuakle tsai ngaoüi, O Zang, ku Zang.

WANGSHEMBU MWOT 14:17

Ibachu chixe hünzom ang ding tokya zangwat kox üntoxle otu nguikya ma tsaxsa hikha puamün ang kox; chixe hünzom ang sütling kox üntoxle hünzom mongmüie awangle ngo ang kox; ile chixe müikya mwot mokkya tokhange othuithuima chixe chix chemningkya hex ija aho.”

TSAITAX-NGAONÜI 1:4

Nang füito ku koplax, ilaxle künyi zuile paohax; ku wanghom ang changlax ilaxle nang nui to ku dünhüi. Künyi shemle mongmüiüi, okhonguile lingüi ilaxle mongkün ma jikjuixle maxle. Sheko hex athüithüie nang to mongkünkya ma abüt angkya müntüi!

MÜNCHUAK-TSAI 92:4

O Jowanpa khomtsikya nang mwotbu füi ku ang mong amüile; nange chempang mokdaopuix, ibu bama mongmüi to ku ngaoüi.

JEREMIA 48:33

Haxzao füikya Moab haxtok angkya mongmüi-pwonla a paodaoa. Grep-ti fyetnui tokhange grepti-ju jenle jukya kue azakdaoa; grepti-ju fyet laxle mongmüi-pwonla tungle akhong-akha angkya mix athax owachu müntüi.

KAXFÜNPA-HWOM 9:27

Hwom pangwüi hwom grep haxtok to ka ilaxle grep ziakbu khai, ibu makhange grepti-ju fyet, ilaxle pangpwon sax. Hwome ma baozang shwomkya nui to pao; ikhato hwome saxlingle chang ilaxle Abimelek mo omale wün.

1 PITAR 1:8

Nang mike tümangün ikoxlechu nange chix to mongkünpu, ipongkhae nange chix chingün, ikoxlechu nange chix to mongongpu. Ikhoma nange kax ma ngai ang chitho le mongmüi ma tamchu fuazangkya füi nang ang pwonla dongpu;

HUAKE LAIPEX 6:25

Jowanpa a hünzom zongto chingcha hia jajale naxchang.

MÜNCHUAK-TSAI 31:17

Kue nang nyakpu, Jowanpa; ku mong amaxle chang ang taxtom. Chichangchizangkyabu mong atho ang tomkox; hwom a dangjale amalum tole ang tomkox.

MÜNCHUAK-TSAI 67:2

zangfang pangnue nang mongtex tsingle lax angkya hanpakma; ile jat-libu pangnue nang khosün tsingle naxlax.

MÜNCHUAK-TSAI 80:4

Nang khünaknu zangjop füi nang chemtukux mongtsikle ngoüi, Khüthak Jowanpa?