MÜNCHUAK-TSAI 4:2 - OTSAO BAIBEL (BSI)

² Nang khünaknue ku chemtukux ajaole ngoüi? Nange laxli chitüikya to chemtukux mongkün tamchu chem thaipuix ija füito lengoüi? Selah

MÜNCHUAK-TSAI 4:2 ပူးပေါင်းရင်းမြစ်များ

WANWÜNKAX 1:22

“Ongat khünakbu! Hünzom ongat ma chemtukux okuilole ngose tsupu? Je-hwon wanjaikya ma hünzom ang mong chemtukux müingolaxüi? Hünzome otuechu tsing-wanle münchangtox pia?

HOSIA 4:7

“Hünzom nguapa chemtukux huanuma tüipuix, itukuxle hünzome ku zongto ochax lyen, ikhoma kue hünzom achuak-achenkya a e-me chilaxle tüikya ang achangüi.

MÜNCHUAK-TSAI 3:3

Ikoxlechu Jowanpa, thama chak tokya ku hale tui ang jento nang a di changle; nange ku ang tho-lün ang tomhüi üntoxle ku mong chatle achen fahüi.

JEREMIA 2:11

Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

MÜNCHUAK-TSAI 106:20

hwome Zang fuazang fum tsütkya müi chapa füi alüix.

MÜNCHUAK-TSAI 5:6

Atsekya pangwüi nange olithule changnong-pünthomkya hia dyen-ngankya pangwüi nange ahaile.

EFISIA 4:25

Ifüima atsekya taxtüi! Pangnusae tomzi füi kaxtsing akax angkya changpu, chemthüikoxle kem a noknusa wüi Khrista tompo ma womkyabu changle.

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

1 SAMUEL 12:21

Othai baozangbu hato taxpao; hwome hünzom to fongle fa ang münthoüi, chemthüikoxle ibu a otsingtsing münchang.

JONA 2:8

Opange laxli chitüikya chapabu to shwomle changpuix, ibue nang tsai-kax ma laxkya dantoxpu.

JEREMIA 9:3

Jento hwom a atse ang achwonle tüile; otsingtsing lüima wanlom chitokyabue haxtok apünle ngole. Jowanpae thüile, “Ku khünakbue ochax mwot tuita füima tuitale mokle ilaxle hwome ku a hwom Zang changpule jao mün-e.”

ISAIA 59:4

Hünzom khwa to paole, ikoxlechu hünzome sukya kaxfün chikoptsuak. Hünzome ija tsetwon-zangwün to lüt ang bama kaxthai zangwün to mongongle ngo. Hünzome mix thomzün ang tom angkya hünzom mwot-lom mokle wüi ngo.

ISAIA 45:17

Ikoxle Israel a Jowanpa khosünle, ilaxle she-e lütkya jento ngoüi; she khünaknu a otuechu chie-chisele müntoxüi.’”

ISAIA 20:5

Opangsae Etheopia to ma mongong thomlaxpuix ilaxle Ijip bama tsaichong-kaxbongle changlaxpuix, hwom ang thünkhux-thajao apongkya tüiüi.

MÜNCHUAK-TSAI 63:11

Zang-e chix ang lüt ang tomkoxle, wanghompa ang mongmüiüi. Zang mün male tsaosaxkyabue chix achuaküi, ikoxle atsekya mixe ma wikha a huxüi.

MÜNCHUAK-TSAI 58:3

Ochax mwot mokkyabu hwom tsüntsün ma thaile le hwome puxkya tokhange wüi kaxthai zang wünle.

MÜNCHUAK-TSAI 58:1

Hünzom apün-awangkyabue tütue ngaxchu sukya zangwün tsuakle facha?

MÜNCHUAK-TSAI 57:4

Ku a Zanpabue akhople tüile, hwom a khünak müi saxsele woknuak ma ngokya mailang ningkyabu changle. Hwom owabu a paxtun hia santun ningle junle; hwom lebu a tüle anaxkya changlo ningle tüile.

MÜNCHUAK-TSAI 31:6

Othai baozangbu to shwomkya mix thua nang anule, ikoxlechu kue ku mongong nang ma thompu.

MÜNCHUAK-TSAI 14:6

Puinaikyabue zingkya mwottho ma ochax khünakbu mong ngwomle, Ikoxlechu Jowanpa a hwom khosünpa changle.

MÜNCHUAK-TSAI 2:1

Jat-libue büthüikoxle alün-alox angkya katzua thompuix? Khünaknue muato maxün angkya kam büthüikoxle thapuix?

HWON-NWOT-JAONO 9:3

Pangnusa hato wüi osho talailaikya hüile, ilaxle ija a chaxwannu ma tütali changle ngokya füi tomwüile thaile. Khünaknu ozün ma ngokya kople, hwom tutex ma ochax hia ongate awangle tüile, ilaxle hwom allele sünto zile paole.

MÜNCHUAK-TSAI 72:2

ikoxle tix chixe nang khünaknu thakma sukya kaxfün fakya füi apün-ada angkya hanpakma üntoxle mixfang to thomkyabu to otsao ma apün-ada angkya hanpakma.

HUAKE LAIPEX 14:11

Jowanpae Mosa ang thüi: “Khünak ibue chemtukux ku chilaxle awüt angkya? Kue hwom tu ma ibibile ohünotün mwotbu mokle aho, ikoxngaxchu hwome ku to mongong chitüile chemtukux ngole hom angkya?

LAIPAO 10:3

Ikhoma Mosa hia Arun nyi pao üntoxle wanghompa ang thüi: “Jowanpa Ibri hwom Zang-e, nang a chix tong to münpuipule chemtukux ngotho angkya lüta? Chix khünakbu chix shwom ang pao ang dankox lüta.

1 KORIN 1:31

Idaile Otsao Lai-e akax ngokya ningle: “Owae ngamse texlaxpuix, Jowanpa-e chem mokdao laxpuix ija khoma ngamkox.”

JEREMIA 2:5

Jowanpae akaxle: “Hünzom putong hwome ku zongto tsaitox-kaxfe angkya chempang apüipuix? Hwome chem khoma ku hato tok ahopuix? Hwome laxli chitüikya chapabu to shwom ilaxle hwom alüile chilaxle ang achangle pao.

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

WANGSHEMBU MWOT 24:9

Jehudi khünakbu pangnu wüi ija kax changkox a le kaxfyet ma tom.