MÜNCHUAK-TSAI 4:1 - OTSAO BAIBEL (BSI)

¹ Ku to lanhüi kue zangjop pongma, O Zang, ku ziakople thompupa! Ku sikngünle ngopongma, nange ku to asunhüi. Athax ku to chingchahüi üntoxle ku zangjop to apahüi.

MÜNCHUAK-TSAI 4:1 ပူးပေါင်းရင်းမြစ်များ

2 KORIN 1:10

Ija ningle za-adünkya, mikjao maxse thomzün chak tokya chixe kwom azündaoa, üntoxlechu wüi sün angkya changle; ile hünzome zangjop makhange kwom to fongle ngopongma, chixe kwom chatlechu wüi sünüi le kwom mongong chix ma thomdaoa.

MÜNCHUAK-TSAI 119:132

Nange nang to mongkünkyabu to chempang changdaopuix ija ningle kuchi to huhüi ilaxle ku tochu chingcha hüi.

MÜNCHUAK-TSAI 25:16

Kuchi to huhüi, Jowanpa, üntoxle ku to chingchahüi, chemthüikoxle ku a ku tata wüi tamchu shonaile tüile.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

MÜNCHUAK-TSAI 17:6

Kue nang to joppu, O Jowanpa, chemthüikoxle nange ku kax to lanpu; idaile kuchi to huhüi üntoxle ku kax to apahüile thüipu.

HABAKUK 3:19

Jowanpa Khüthak Zang-e ku ang tsak-zong koxle. Chixe chemtuechu ku cha müikhi sok lailaile atingting khama süt ang tom ilaxle haxnukho to ku khosünle thom.

ISAIA 45:24

“Ku makhange tix wüi lütkya hia janzüi kopüile hwome thüile; ikoxlechu ku thua anule tüikya pangwüi e-sekya chitüile toxüi.

MÜNCHUAK-TSAI 143:2

Nang dapa ku to thwontsingle taxchang; nang miksho ma sukya mix owachu müntüi.

MÜNCHUAK-TSAI 57:1

Ku to chingcha hüi, O Zang, ku to chingcha hüi, chemthüikoxle ku a nang hato khosün lomle nguipu. Tüle zongkya tinu-tichap madang-madangle, nang zangkhung ma kue khosün koppu.

MÜNCHUAK-TSAI 45:1

Osün müikya zangwünbue ku khangka awang, wanghompa hanpakma kue ija tsai zingpongma.

MÜNCHUAK-TSAI 22:1

Ku Zang, ku Zang, nange ku büthüikoxle danle asampu? ku to fonghüile ku mongmaxle jaojao soppu, ikoxlechu ija ofong-otsox ojao chihüipu.

1 SAMUEL 17:37

Jowanpa-e ku chaxnu hia chepnubu chak tokya khosünle thompu, chixe ku ija Filistia nok chak tokya chu khosün angkya changle.”

2 KORIN 1:8

Asia haxtok ma kwome apong daokya thangnak bama kwome hünzom hama tamchatle wünse tsupu. Kwom ang alikle koxkya hünlix a huanu tamchu lixkya changkya ilaxle chatle ozün ma ngo ang kopüi le monghomkya kwom ma ojao chitüile mongmax.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

MÜNCHUAK-TSAI 76:1

Judah angkya khünakbue Zang awanle; Israel angkya khünakbue chix achuak-achenle.

MÜNCHUAK-TSAI 67:1

Zang, kwom to chingchahüi tamchu mohimanhüi; kwom to chingchajaja füi huhüi, Selah

MÜNCHUAK-TSAI 42:1

Müikhi tuitae shuasa bang to sim sungkya ningle, kue nang sungpu, O Zang.

MÜNCHUAK-TSAI 31:8

Nange ku zanpabu ang ku kop ang chitom; ku mong atsutsu khato aham angkya nange ku ang mongtex panpu.

MÜNCHUAK-TSAI 24:5

Jowanpae hwom to mohimanüi üntoxle hwom khosünüi; Zang-e hwom a chem onu-oma chitüikyabu changpule ngaiüi.

MÜNCHUAK-TSAI 11:7

Jowanpa a otsao üntoxle müikya mwot to mongkünle; ibu mwotmüi mokkyabu chix womle tüikya khama ngoüi.

MÜNCHUAK-TSAI 116:16

Jowanpa, ku a nang dapa changle; anu lailaile kue chuwüi nang thothapu. Ozik-omüt tokya ku nange sünpu.

MÜNCHUAK-TSAI 116:6

Jowanpa kho-awa angkya mix chitüikyabu kho awale; chemtue ku thomzün ma tüipuix, chixe ku khosün.

MÜNCHUAK-TSAI 56:1

O Zang, ku to chingchakya tüihüi, chemthüikoxle ku a zansing sungkha ma tüile; ku zanpabue ku to othuithuima zothuple.

MÜNCHUAK-TSAI 41:12

Nange ku to fongüi, chemthüikoxle kue sukya tix mokpu; nange ku jento nang ngwotnui ma thomüi.

MÜNCHUAK-TSAI 6:1

Jowanpa, ku füi mong taxtsik tamchu ku to taxsa taxma! Nange ku sik tax-angün nang mongtsiktsik ma!

JOB LAIPEX 36:16

Sikngün khatokya Zang-e nang alaipu, ilaxle nang khosün ma mongmüi ngo ang tompu, nang tsap a tsuathale sütli athünkyae awang tüikya.