MÜNCHUAK-TSAI 39:6 - OTSAO BAIBEL (BSI)

⁶ chaxba tuita tha ngaxchu münchang. Keme mokkya pangnu chem angchu chichang; keme tuina athünpu, ikoxlechu ija owae koplaxüihex chitik.

MÜNCHUAK-TSAI 39:6 ပူးပေါင်းရင်းမြစ်များ

HWON-NWOT-JAONO 2:26

Je-hwon, tsing-wankya, ilaxle mongmüi a Zang-e chix mong amüikyabu ang koxle, ikoxle chixe ochax khünakbu ang kop-lo angkya hia tsyenle twon angkya bama mwot mok ang tomle, ikoxle tix chixe ma mong amüikya mix ang koxtsuak angkya chang koxle. Ima laxli chemchu müntüi. Ija a zangwin füito zikkya thatha changpu.

JAKOP 4:14

Ngainyix nang tsün chemle changüi hex; ingaxchu hünzome tsingle chitsuak! Chemthüikoxle, onox ma ngünlan toxlaxle amuale maxkya wünkhut hünzom changle.

1 KORIN 7:31

ilaxle chaxwannu mwot-kat bama saxmok le ngokyabu, ibu füi chemsüt chem mwot chitüikya ningle ngo angkya changle. Chemthüikoxle athax ile tüikya chaxwannu a, aluile otsün lole chingoüi.

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.

HWON-NWOT-JAONO 5:14

ilaxle ija chimüikya lom to ija asamle ilaxle ma su-sa hwom hanpak ma ota chitoxle ashukle.

1 PITAR 5:7

Hünzom künthang mongdang komle chix ma toxlax, chemthüikoxle chixe hünzom to akox-anyele.

KAXHO MÜIKYA LUK 12:29

“Üntoxle hünzome chemsax chemlingüi, le sütling bama taxaban mi.

ISAIA 55:2

Mongzom chimüi angkya ma ngün chem ang bakpu? Hünzome hingchak hom ilaxle woknuak ma büthüikoxle ngopu? Ku kax apalax ilaxle kue chem wünpuix ija moklax, ile jangchangba hünzome sümüikya süt saxle ngo ang kopüi.

HWON-NWOT-JAONO 12:8

Laxli müntüi, laxli müntüi, thüile manpae. Ija pangwüi chilaxlili wüi changle.

HWON-NWOT-JAONO 2:8

Kue wanghom suakthong ma, kue apünle tüikya haxtok angkyabu khop hia hun huanuma athütle dan. Ku apwon-asa ang lüka-sheko pangwüi tsaingao, ilaxle lüka tuitae laxse tsukya tukuxle shekobu ku ma bakle tüikya.

HWON-NWOT-JAONO 1:14

Ija chaxwannu ma pangnuli mokle tsuakkya kue ngündaoa, ilaxle kue nang ang thüipu, ibu a laxli chemchu müntüi. Ija a tuita zangwin achuale ngokya thatha.

WANWÜNKAX 13:22

Müikya khünakbu ma hwom su-sabu chak to tox ang tuina tüiüi, ikoxle ochax khünak tuinabu a otsao khünakbu chak to dongüi.

MÜNCHUAK-TSAI 127:2

Kaile zo ilaxle shenle jiple ozün ma ngo angkya bama, azongle mwot mokle ngokya a obato. Chemthüikoxle chixe mongkünkyabu ang Jowanpa, hwom jiple ngopongma koxle.

1 PITAR 1:24

Otsao Lai-e akaxle, “Khünaknüsa nok wüi fum-sui ningle; hwom fuazang bakle fao maipuabu ningle. Fumsui zile pao, üntoxle maipuabu dütle sam;

JAKOP 5:3

Hünzom hun hia jangjong to syake lwopdaoa, ilaxle syak ibu a hünzom zongto kaxkhi ang changüi ilaxle wün ningle ijae hünzom müi saxüi. Anyixkya oshuk din-pan to hünzome ibu ngun-syen athünle.

WANWÜNKAX 27:24

chemthüikoxle tuina a othuithuima ngo angkya oli münchang. Onok-chaxwan ngaxchu tamchimaxle ngo ang müntho.

WANWÜNKAX 23:5

Hozang donglaxle ziale ola hosa pile paokya ningle, nang ngunsyen a noxtakya bama wüi bakle hüi ang tsuak.

JOB LAIPEX 7:7

Texle atak-hüi, O Zang, ku tsün a tuita zakdün zaza wüi; Ku mongmüi a ashuk tomtata daoa.

JOB LAIPEX 7:16

Kue khüzün pi dantoxdaoa; ku ozün ma ngokyae ngwomüna. Ku, ku tata naxngokox. Ku ozün ma ngokya ma chem olüi müntüi.

JOB LAIPEX 14:1

Kem pangwüi chem tsak-zong chitüile puxpu. Pangnusa hato wüi sikngün oli tuitata wüi nguipu.

MÜNCHUAK-TSAI 89:48

Tamchu chizi-chimaxle owapi ngo ang thoüi? Kwom khünake büthüikya to ma alüile zuk-kha füi atsaile thomtsuaküi? Selah

MÜNCHUAK-TSAI 144:4

Kwom khünak a tuita zangwin thatha; kwom hanpakbu a obato lele paokya chaxba tuita ningle.

HWON-NWOT-JAONO 11:10

Chemlie chu nang mongthang ang tamchu nang to kak ang taxtom. Nang tsünzün ma okuilole ngo angkya le münchang.

KAXHO MÜIKYA LUK 12:26

Hünzome iningkya ikuxküsa ngaxchu mok ang chitho, mamabu khoma hexle chem khosam ngopu?