MÜNCHUAK-TSAI 39:5 - OTSAO BAIBEL (BSI)

⁵ Nange ku tsün chemtukux moxle zingpuix! Nang miktho ku tsünjang a chemchu chichangkya ningle. Otsingtomta ma zünmok pangwüi a noxtasa jeple toxkya zangwinsa jaojao, Selah

MÜNCHUAK-TSAI 39:5 ပူးပေါင်းရင်းမြစ်များ

MÜNCHUAK-TSAI 144:4

Kwom khünak a tuita zangwin thatha; kwom hanpakbu a obato lele paokya chaxba tuita ningle.

MÜNCHUAK-TSAI 89:47

Ku tsün chemtukux moxpuix texle ataklax; nange kwom pangwüi zile pao angkya tuita ang zingle alaikya taxalak!

MÜNCHUAK-TSAI 62:9

Khünak mixsa a tuita zakfaox wünkhut ningle; chongpuix hipuix pangwüi muakya changle. Chem thakhochu chingui ibu tuak ma thütle ano koxle; ibu a mütle alaikya zak füingaxchu chale.

HWON-NWOT-JAONO 2:11

Ifüima kue tsuakle hüidaokya mwot tamchu ija mokle alai ang tüle azongle mokle hüidaokyabu bama ajangle ano pongma, ija a chem ngaxchu chichang angkya, tuita zangwin füito zikle ngokya chang-a le kue ajangle lax.

JAKOP 4:14

Ngainyix nang tsün chemle changüi hex; ingaxchu hünzome tsingle chitsuak! Chemthüikoxle, onox ma ngünlan toxlaxle amuale maxkya wünkhut hünzom changle.

MÜNCHUAK-TSAI 39:11

Nange sa-male kwom ochaxbu to sikangün, üntoxle kwome mongkünkya nange siake sikya ningle amüt. Otsingtomta ma kwom a zakdün wünkhut-sa tha ngaxchu münchang! Selah

JOB LAIPEX 7:6

Ku nyix-hi-hanpak komle künmax-mongshanle akai, Nyitak-lak füingaxchu sümomle aham.

ISAIA 40:17

Chaxwannu nok a chix zongto chemtha chu münchang.

HWON-NWOT-JAONO 1:2

Filosofar e thüile, ija a laxli müntüi, laxli müntüi. Khünak tsün a laxli müntüi.

PONGWANG LAIPEX 47:9

Jakop-e lan: “Hamham le ngokya ku tsün a 130 zanglao nguidaoa. Ku apu-apa hwom tsün-tsün to hamhamle ngole hüikya ningle münchang, ikoxle zanglao müimamale machang koxlechu kue sikngün a huanuma apongle hüidaoa.”

2 PITAR 3:8

Ikoxlechu ku mongkün tüinaohom, hünzome oli tuita taxalak! Jowanpa miksho ma nyix tuita hia zanglao hajat tuita le malili müntüi; chix zongma monyi wüi tuita changle.

2 SAMUEL 19:34

Ikoxle Barzillai-e lan: “Athax ku otukuxnu namngo angkya; ku ang füi tomle Jerusalem to omalax ang paoüi?

MÜNCHUAK-TSAI 90:12

Kwom jetüi-hwonlangkya mix ang naxachang kwom tsün a chemtukux moxle tüipuix ija kwom hama anwot-anole fahüi.