MÜNCHUAK-TSAI 39:12 - OTSAO BAIBEL (BSI)

¹² Jowanpa, ku zangjop to apahüi, ilaxle ku sopkya to apahüi; Ku sop-pongma ku to fong ang nguihüi. Ku putong hwom ningle ku chuwüi onox ma nang wünpa tuita ang nguitox wüi.

MÜNCHUAK-TSAI 39:12 ပူးပေါင်းရင်းမြစ်များ

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

IBRI 11:13

Ibu khünak pangwüi mongong ma zi, Zang kaxtsaobu hwome chikop tox, ikoxlechu ochu tokhange hwome ibu ngünle lax üntoxle pongle kop, üntoxle ngaitho le chaxwannu ma hwom püntüi tamchu mixnokbu changpu le hwome lax.

MÜNCHUAK-TSAI 119:19

Ku ija chaxwannu ma onox tuita hanpakma ngopu; ku pomtho ma nang kaxtombu khomle taxchang.

LIWI 25:23

Hünzome ma haxtok owüiole hangle chiapaoüi, chemthüikoxle ija a nang kux münchang; ija a Jowanpa kux changle, ilaxle hünzom a onox ma ija haxtok apu-achang ang dankya mixnok-wünpabu ningle changpu.

PONGWANG LAIPEX 47:9

Jakop-e lan: “Hamham le ngokya ku tsün a 130 zanglao nguidaoa. Ku apu-apa hwom tsün-tsün to hamhamle ngole hüikya ningle münchang, ikoxle zanglao müimamale machang koxlechu kue sikngün a huanuma apongle hüidaoa.”

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

MÜNCHUAK-TSAI 56:8

Ku chemtukuxle tingtui ma ngopuix nange awan-ngopu; nange ku mikfi ajenkyabu lai ma zale thompu. Ibu nang laipex ma akiakle müntüidaihi?

1 PUKAX-PANGAO 29:15

O Jowanpa, nange awan ngopu, kwom chuwüi kwom pupa hwom lailaile zanda ang hia pünpao ang ngokya chifün kaile hüidaoa. Kwom nyix-hi-hanpak ang zangkhung paoüi ningle, ilaxle kwom a zikmüt mangkho chak tokya azangle pao ang chitho.

2 WANGHOMBU 20:5

khünaknu lompa Hezekiah hato chatlaxle chix füi ija kax akax angkya kaxkox: “Jowanpa ku, hünpa Dawid Zang-e, nang zangjop atatle laxdaoa tamchu nang mikfi ngünle laxdaoa. Kue nang kak tamchatle müi ang tomüi, ilaxle nyix azom ma nang Zangshwom-Hom to paoüi.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

MÜNCHUAK-TSAI 116:3

Zikmüt-mangkho thama ku akhoplaxle tüikya; aman laxle zuk-khato amüt angkya ziama ku hato soxle tüikya; Ku a zakya hia monghike awang laxle tüikya.

JOB LAIPEX 16:20

Ku zuikhuibue ku to ongat ang laxle sale; ku mik makhange Zang hato mikfi thokle ajenpu.

2 SAMUEL 16:12

Owatsing Jowanpae ku sikngün ngünle laxüi ilaxle ija chix thuakzom lüi ma lax ang ku ang mohiman ozüita fale chuwüi changtüilax.”

2 KORIN 5:6

Idaile kem a othuithuima mongchongle ngopu. Ija tsangtsa hom ang laxle ngotanto kem, Jowanpa hwom füi atsaile ngokya keme awanpu.

MÜNCHUAK-TSAI 102:1

O Jowanpa, ku zangjop to apahüi, ilaxle fong angkya lomle ku sopkya atatle koplax!

MÜNCHUAK-TSAI 119:54

Chaxwannu ma onox ma ozün ma ngopongma kue nang kaxtombu bama tsai zingpu.

PONGWANG LAIPEX 21:34

Abraham Filistia nok ma okuilole ngo.

JOB LAIPEX 13:28

Ija khoma ku a, pünbui lailaile, Shikshak-shikshem le ku a saxfoe saxdaokya nyinu lailaile.

MÜNCHUAK-TSAI 90:9

Nang mongtsike kwom tsün amoxle; huxsa ma zangwünkya lailaile ija samle pao.