MÜNCHUAK-TSAI 38:10 - OTSAO BAIBEL (BSI)

¹⁰ Ku ang khax atukle, ku zong a bakdaoa; ku mikbu angkya ngün angkya zong ashukdaoa.

MÜNCHUAK-TSAI 38:10 ပူးပေါင်းရင်းမြစ်များ

MÜNCHUAK-TSAI 6:7

Kue mimima lanle ngünle; ku mikbu a fingsule tüile zanpabue ku mong asop thomkoxle.

MÜNCHUAK-TSAI 88:9

sikngün makhange ku mikbu ashole max. Jowanpa, nyixfokya to kue nang nyakpu ilaxle nang to zangjople ku chakbu nwonpu.

MÜNCHUAK-TSAI 69:3

Fong angkya nyakle akhongkyakyae ku zongshole maxündai, Ilaxle ku dingdua a zanle maxngole. Nang nguilaxle ku khosünle kop angkya hanpakma kue nang tanle hungopu.

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

ISAIA 21:4

Ku ang kho-anguixle, ilaxle ku zalaxle abün ngole. Kue hanhomle otu ngünhaxle sungle ngo, ikoxle ijae ku hato chabüt-lasün boma chemchu chiapüi.

MÜNCHUAK-TSAI 119:123

Nange khosünle fong angkya to hukya ku mik nadaoa, azünüihex-o lükya nang tsaotsüt to a.

MÜNCHUAK-TSAI 42:1

Müikhi tuitae shuasa bang to sim sungkya ningle, kue nang sungpu, O Zang.

MÜNCHUAK-TSAI 31:10

Mongtsikkyae ku ang zaktutle changdaoa, ilaxle künmax-mongshankyae ku tsün amoxdaoa. Thangnak pangnu tokhange ku a shonaile maxdaoa;