MÜNCHUAK-TSAI 37:7 - OTSAO BAIBEL (BSI)

⁷ Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.

MÜNCHUAK-TSAI 37:7 ပူးပေါင်းရင်းမြစ်များ

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

MÜNCHUAK-TSAI 62:5

Kue Zang tata to mongong tüipu; kue ku monghom chix ma thompu.

WANWÜNKAX 20:22

Thaikya tsangthom angkya nang tata akhang ma taxlax. Jowanpa to onglax jangchangba chixe achangle zingüi.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

JEREMIA 12:1

“Jowanpa, kue nang füi ku zangwün bama alale jangchang, nang wüi sukya ang bangüijao. Ikoxle kue sukya kaxfün bama nang ma kax tuita atüi angkya wüi. Chichangchizangkya khünakbu mix büthüikoxle huanuma ahak-aluale tüipu? Chisax-chisukya khünakbu khünakbue mix chemle tholünpuix?

MÜNCHUAK-TSAI 40:1

Jowanpa ofong-otsox hanpakma kue adule tan; ifüima chixe ku zing apa üntoxle ku sopkya zing atat.

ISAIA 30:15

Khüthak Jowanpa, Israel nok otsao Zang, chixe khünaknu füi akax: “Anongle chatlax ilaxle dangjajale ku to mongonglax. Ifüima nang tsak-zongle tamchu chaza angkya chemchu chitüile changüi.” Ikoxle hünzome ile münmokle angampu!

MÜNCHUAK-TSAI 62:1

Zang-e ku khosünle kop angkya hanpakma adule tanngopu; kue chix totix onglaxle ngopu.

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

JIHUSUA 10:12

Jowanpae Israel nok ang Amor nok to lüt ang tomkya nyix Jihusua-e Jowanpa füi zangwün. Israel khünaknu tüipongma chixe thüi: “Zanghannu, Gibeon hwom khangkho ma nang tangle ngoün; Lyetnu, Aijalon haxsha tang ma zakkox.”

HWON-NWOT-JAONO 5:8

Nange apün-awangkyabue mixshix-zasabu to ada laxle hwome ang sukya kaxfün hia hwom süntswon chifale tüikya ngünpongma nang taxabüt. Alixachongbu pangwüi ma thak angkya alixachong tuitae ziakop laxle tüipu, tamchu hokhi pangnyi a süthak angkya alixachong tuitae kho-awale thompu.

JONA 1:11

Zangchei a sisile shixle male jao hüingo, ikhoma ikha angkya khünakbue chix ma atüi: “Ija zangchei adang angkya hanpakma kwome nang to chemle hwonüi?”

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

MÜNCHUAK-TSAI 50:8

Hünzome koxkya töbu khoma kue hünzom to sa-makya münchang, hünzome jento ku hato apüile koxkya zokle ashunkya töbu khoma münchang.

ESTAR 3:15

Wanghompa kaxtom ma ija khuapu a pongwün tingnu Susa machu noknusa na to atat ang tom. Zikkyabue ija kaxho angkya wangtsak ting pangnu khato wüi apuk. Susa tingnu a tüle khosam to adütlaxle wanghompa hia Haman hokhi a juling ang thung.

JOB LAIPEX 35:14

Job, nange Zang ngün ang münthole thüitüi; ikoxlechu adule ngohüi, nang zangwün a chix pomtho ma tüile.