MÜNCHUAK-TSAI 37:34 - OTSAO BAIBEL (BSI)

³⁴ Nang monghom Jowanpa ma thomlax ilaxle chix kaxtombu kax ma laxlax; hünzom ang haxtok koxle chixe hünzom achuak-achenle changüi, üntoxle chichang-chizangkya khünakbu jwonle apaokya hünzome ngün ang kopüi.

MÜNCHUAK-TSAI 37:34 ပူးပေါင်းရင်းမြစ်များ

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

WANWÜNKAX 20:22

Thaikya tsangthom angkya nang tata akhang ma taxlax. Jowanpa to onglax jangchangba chixe achangle zingüi.

MÜNCHUAK-TSAI 37:9

Opangsae Jowanpa to mongong thompuix hwome haxtok kopüi, ikoxle chichang-chizangkyabu a jwonle apaoüi.

MATHI 24:13

Ikoxlechu oshuk kople shingmongle adukya khünakbue khosünkya ataküi.

MÜNCHUAK-TSAI 37:7

Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.

1 PITAR 5:6

Idaile thütkhak le hanpak nguile hüikya zuma Zange hünzom asale nwon angkya kuxma, hünzome ma alüile tsakzong füikya Zang fangto puinai le tüilax.

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”

WANWÜNKAX 16:17

Müikya khünakbu a ochax tsiakle toxkya lomtang ma ahamle; idaile nang ochito lepuix ija to müile hukoplax: ija ma nang azang ang tsuak.

MÜNCHUAK-TSAI 91:8

Chichangchizangkyabu to chemle sikangünpuix nange huüi ilaxle ngünüi.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

MÜNCHUAK-TSAI 112:9

Chixe chitüi-chinang mix ang mongtsutsule kox-zunle, ilaxle chix chingcha otuechu thaithaxle münbang; chix a tsak-zongle tamchu achuak-achenle tüiüi.

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

MÜNCHUAK-TSAI 25:13

Hwom a othuithuima ahak-aluale tüiüi, üntoxle hwom su-sabue haxtok kopüi.

MÜNCHUAK-TSAI 92:12

Otsao khünakbu a pam pünbu lailaile ahui-alyale pu-tsaüi; hwom a Lebanon angkya sedar pün lailaile tsongüi.

MÜNCHUAK-TSAI 112:8

Chix a mongthangle chichangba zale mün-ngo; chix zanpabu to anaokya ngün angkya chix mongkha ma tüikop ünkoxle.

WANWÜNKAX 29:16

Chemtue ochax khünakbu apün-awangle tüiüihex, mik maxkya onui changüi. Ikoxle otsao khünakbu a ibu thomle dütkya ngün ang ozün ma ngoüi.

ISAIA 57:13

Chemtue hünzom asun angkya lomle akhongüihex, chapa ibue hünzom khosünkya naxtüikox. Zangchei cheithoe hwom pikle paoüi! Ikoxle ku to mongong thomkya khünakbu ija haxtok ma wüi ngoüi ilaxle ku Zangshwom-Hom ma ku to shwomüi.”