MÜNCHUAK-TSAI 37:3 - OTSAO BAIBEL (BSI)

³ Jowanpa to mongong thomlax üntoxle müikya moklax; ija haxtok ma azangle ngolax.

MÜNCHUAK-TSAI 37:3 ပူးပေါင်းရင်းမြစ်များ

MÜNCHUAK-TSAI 62:8

Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

KAXHO MÜIKYA LUK 22:35

Ifüima Jisu-e wangshembu ma atüi: “Kue hünzom okhüt, nyitsong, hia chisoxbu chikop homle apaokya tuke hünzom tütalimachu tuitai hexcha?” Hwome lan: “Litamachu kwom tuitaikya kha müntüi.”

MÜNCHUAK-TSAI 4:5

Jowanpa ang otsingtsing tö laxkox, üntoxle nang mongong chix ma thomkox.

MÜNCHUAK-TSAI 26:1

Jowanpa, ija bama kue chemchu müntik koxa, le ngaifa, chemthüikoxle kue chem supuix ija mokwüi ilaxle komkaile mongong thompu.

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

MÜNCHUAK-TSAI 33:19

Ozik-omüt chak tokya chixe hwom khosünle kop; nuaknu lepongma chixe hwom ozün ma ngo ang tom.

PONGWANG LAIPEX 26:2

Jowanpae Isak hato ngailaxle chix ang thüi: “Ijip nok to taxka ikoxle kue nang hama ahokya haxtok ma ngolax.

1 SAMUEL 26:19

Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

1 WANGHOMBU 19:6

Chixe akhople hukoxle chix khangkho ma ankhao tuita üntoxle ti pe tuita le ngün. Chixe sax-lingle chang ilaxle anaole chuwüi shui.

WANWÜNKAX 3:5

Nang mong makhange abakle Jowanpa to mongongkya tüikox. Nange chem awanpu le texpuix otuechu ija to onglaxle taxngo.