MÜNCHUAK-TSAI 36:4 - OTSAO BAIBEL (BSI)

⁴ Hwome azünle lya ma shui laxle ochax mwot-mwot ajangle; hwome mokkya müikya tuita müntüi, üntoxle chem ochax hex ija hwome otuechu münmokpule münthüi.

MÜNCHUAK-TSAI 36:4 ပူးပေါင်းရင်းမြစ်များ

MIKA 2:1

Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

WANWÜNKAX 4:16

Hwome thaikya mwot lituta mamok tanto chichang-chizangkya khünakbu ang mikngüt münhüi. Owawa to chakmok-janlangle machang tanto hwom mik azang lüwüi ngole.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

ISAIA 65:2

Ningle-khokhe chithüile ma lomkuakua to paole sam ngokya ku khünakbu pongle kop ang ku a jento achwonle ngokya.

MIKNGÜN-OHÜN 2:2

Nange chem tsuakdaopuix ija kue awan ngole; nange chemle azong mokdaopuix üntoxle chemle adule hüidaopuix ibu kue awan ngole. Nange ochax khünakbu füi adu ang chithokya üntoxle changjao chichang khato hwomchu wangshembu changpu le akaxkyabu to nange chemle wanle anopuix ilaxle nange chemle hwom othaibu changle le lop ang thopuix, ibu pangnu kue awan ngole.

MÜNCHUAK-TSAI 97:10

Jowanpa chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.

ROM NOK HATO ZAKYA POL LAIZA 1:32

Ile ngokya khünakbu zi angkya ataküile Zang wanlom ma tüikya hwome awanpu. Ingale iningkya oma mwot hwom tatae mokle lengokya chichangle mixe mokkya tochu wüi müipuix le thüi.

WANGSHEMBU MWOT 23:12

Ofüinop züizüi Jehudi khünakbu asox üntoxle Pol lang angkya azua. Ibue Pol malang tanto chemchu münsax münlingpule tsaosax.

MATHI 27:1

Anopning swome nguakhobu hia Jehudi nok lompabu komle athütlaxle Jisu lang angkya olom lom.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

JEREMIA 8:6

Kue khile apale ngopu, ikoxle hünzom kaxtsing tuita chiakax. Hünzom tuitata ngaxchu hünzom chichangchizangle tüikya bama thaidaokoxale chithüi; hünzom tuitae ngaxchu ‘Kue chem thaikya mokdaopu?’, le chiatüi. Manbu zan to kaüi ningle hünzom a pangwüi malom lom to pao.

JEREMIA 6:16

Jowanpae chix khünaknu füi akax: “Lompong ma ajonglax ilaxle hulax. Kaikya lomzang hia sümüikya lomtang bama atüilax. Ija ma ahamlax, ikoxle hünzom mongsom ma ngo ang kopüi.” Ikoxle hwome thüi: “Münchang, kwome ile münmoküi!”

WANWÜNKAX 24:23

Jetüi-hwonlangkyabue ijabu chuwüi akaxdaoa: Masüi-mixlüi le kaxfün fa angkya a sukya münchang.

MÜNCHUAK-TSAI 52:3

Müikya to künkya füi nang ochax towüi mong sükün üntoxle otsingtsing füi othai towüi mongkün. Selah

MÜNCHUAK-TSAI 38:12

Ku langle awüt-sele tsukyabue ku aman ang tsünle, üntoxle ku to mak-kha sele tsukyabue ku fün ama angkya aza-anale; hwome ku to tungkya ojao münzak.

JOB LAIPEX 15:16

Ilaxle khünake ochax a ti ang laxle jao lingpu; changle, khünak a laxli chitüikya oma-oshix changpu.

ESTAR 6:4

Wanghompa-e atüi: “Ku nguakax-wangkho owawa ipongkhae pa ma tüicha?” Ipongkhae Haman a khwa hommong to ile nople asu; chix a achwonle thomdaokya dangzembu ma Mordekai lang angkya hanpakma wanghom ma tsaiju-kaxju ang nguikya changkya.

ESTAR 5:14

Ikhoma chix kakonu hia hozui hwome mongkho adünle thüi: “75 fit tsuakya dangzembu büthüikoxle chizingpu? Ngainop ima Mordekai takle lang angkya tsaiju-kaxjule mwottsuak üntoxle khangkho chazangle fongsax ang paotsuaküi.” Haman-e ija a müikya olom changpule thüt üntoxle dangzembu zingle achwon.

1 SAMUEL 19:11

Ija jaja wüi Dawid hom to zyetle ngolaxle ngainop ningle chix lang angkya khünakbu tsanle apao. Mikal, Dawid kakonue chix to kaxkhün koxle akax: “Nang a ajaja wüi chipao thüiningle ngainop a nang mang ang achangle bangüi.”

WANWÜNKAX 24:2

Hwom mongjang ma mixtha ama angkya boma chemchu müntüi; hwome tun akhaole jangchangdao thüiningle owawae thama apong angkya wüi.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”