MÜNCHUAK-TSAI 34:4 - OTSAO BAIBEL (BSI)

⁴ Kue Jowanpato zangjop üntoxle chixe ku zangjop to lan; chazale ngokya pangnu chak tokya chixe ku khangkho zang angai.

MÜNCHUAK-TSAI 34:4 ပူးပေါင်းရင်းမြစ်များ

MÜNCHUAK-TSAI 18:6

Ku sikngün pongma kue Jowanpa to nyak; ku to asun angkya hanpakma kue Zang nyak. Chix zangshwom-hom ma chixe ku kaxzing atatlelax; chixe fong angkya mix lomle ku sopkya apalelax.

MATHI 7:7

“Julax, ikoxletix ija hünzom ang koxüi; lomlax ikoxletix ija hünzome ataküi; tamchu honglax ikoxletix ija hünzom ang daple koxüi.

MÜNCHUAK-TSAI 56:3

Chemtue ku zapuix, O Khüthak Jowanpa, kue ku mongong nang ma thompu.

2 TIMOTHI 1:7

Chemthüikoxle Chasa oja Zange kem ang fapuix, chixe kem thünbat chitsuakkya mix ang münachang; itülüi, chix chasae tsakzong, mongkün ilaxle malualua to akumathumkya füi awang ang koxle.

JONA 2:2

“Ku maxkya chifün tokhange, O Jowanpa, kue nang nyakpu, nange ku to lanhüi. Tüle zukya amalum panfang tokhange ku to fonghüile akhongpu, nange ku zing atat-hüi.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

MÜNCHUAK-TSAI 31:22

Ku a tüle abüt-aban chang üntoxle chixe ku a chix ngwotnui angkya jwonle apaodaoale thüt. Ikoxlechu chemtue ku to fong angkya chix sepuix, chixe ku sopkya atatle lax.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

KAXHO MÜIKYA LUK 11:9

“Üntoxle kue hünzom ang thüipu: Julax, ija hünzom ang koxüi; Lomlax, hünzome ataküi; Hongkox, ka hünzom ang daple koxüi.

MÜNCHUAK-TSAI 22:24

Chixe chitüi-chinang wünhaile müntox, hwom sikngün to chihule müntox; chixe hwom hato tok münaho, asunhüile hwome chix sekya zuma chixe lanle.”

MÜNCHUAK-TSAI 46:2

Idaile chaxwannuchu kangnax aloxkox, haxnubuchu molo tinu jithong to naxdütkox,

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

1 SAMUEL 27:1

Dawid-e chix mongto alüile ajangle lax: “Sol-e ku a ibama tütangai thüichu lang angkya changa. Ku zongto sümüikya a Filistia nok to paole azang angkya wüi changle. Ifüima Israel haxtok ma Sol-e ku lomkya zakle shuüi ilaxle ku a azangle ngoüi.”

MÜNCHUAK-TSAI 35:27

Ku sukya ang achangle ngünse tsukyabu mongmüi laxle hwom chatchatnaole, “Jowanpa a chemtukux chongpuix! Chix dapae tho-lünkya to chix ang mongmüile”, le akhong ang tomkox.

MÜNCHUAK-TSAI 40:17

O Jowanpa, ku a muakya mix tamchu zasa changle, ikoxlechu nang ku otuechu chialak. Nang a ku khosünpa tamchu Zang changpu: ku to fong ang momlax!