MÜNCHUAK-TSAI 32:3 - OTSAO BAIBEL (BSI)

³ Chemtue kue ku ochax thailak jukya chitüipuix, ku a nyixtung nyixtungle sopkyae künmax-mongshanle tüikya.

MÜNCHUAK-TSAI 32:3 ပူးပေါင်းရင်းမြစ်များ

MÜNCHUAK-TSAI 38:8

Ku a shanle changdaoa ilaxle bakle thule akhündaoa; ku ang mongthang ngole, tsütle kakkyae ku wotpu.

MÜNCHUAK-TSAI 38:3

Nang mongtsik khokho ma, ku a müimamale okak ma tüile; ku ochaxbu khoma ku tsangtsa ma komkaile kak paxdaoa.

MANGSOP 3:8

Fong angkya mix lomle ku zongbakle akhong, ikoxlechu Zang-e ija to mün-apapule angam;

MÜNCHUAK-TSAI 22:1

Ku Zang, ku Zang, nange ku büthüikoxle danle asampu? ku to fonghüile ku mongmaxle jaojao soppu, ikoxlechu ija ofong-otsox ojao chihüipu.

HOSIA 7:14

Hwome ku to mongkoxle chijop, itülüi hwome ma alüile tswonle adüt ilaxle songsaribu lailaile mangsop. Chemtue hwome saxziak hia grep ziak hanpakma zangjople changpuix, hwome songsaribu lailaile ma to alüile züt. Hwom ma adukya chem tüi?

WANWÜNKAX 28:13

Nange ma ochaxbu pyenle jangthom, nange tsün ma tho-lünkya münngüntoxüi.

JOB LAIPEX 30:30

Ku tsangtsa khwon nakle pao; ku a tüle khamle kakle max.

MÜNCHUAK-TSAI 51:8

Mongmüi pwonla-tungkya ozing kue atat ang tomhüi; nange ku thule akhünle akhixdao koxchu, ku tamchatle mongmüi ang ataküi.

MANGSOP 3:4

Chixe ku müi chaole ohing ma dantox, ilaxle chixe ku zabu apak.

MANGSOP 1:3

Judah angkya khünaknu a chingcha ashukle dabu ang hwomkha angkya atsangle pao. Hwom a mixnok chaxwanbu to ngo, mamixle nyak angkya owa chitüikya nok to— Zanbue akhoplaxle, paole azang angkya olom jao chitüile.

ISAIA 59:11

Kwome a abüt-aban ilaxle khangkho sam. Kwom to afangle thomkya hia thaikya chak tokya kwom khosün angkya hanpakma kwome Zang sung, ikoxle chemchu chichang.

ISAIA 51:20

Lomnu nuk pangkha towüi nang khünakbu a hona-ojuae nguakle haxmax-zangsam; hwom a müikhisa tai ma mankya thatha ang achang. Hwom to Zang mongtsik janzüie po.

MÜNCHUAK-TSAI 6:2

Ku shanle paoüna, O Jowanpa; ku to chingchakya tüihüi! Ku a najao nale maxle, ku ang janzüi fahüi;

JOB LAIPEX 30:17

Awünningle ku za pangwüi bupu; ku shaole akhix ngokya kak ojao chidangpu.

JOB LAIPEX 3:24

Sax-lax haxkux lüixto ku mongsoppu, ku mongsik-ngünle akhongkya münzakpu.

2 SAMUEL 11:27

Chemtue ija mangsop din kaile changpuix, Dawid-e she a wanghom homlo to apüi; she a chix kakonu ang achang ilaxle chix ang sasün tuita puxle kox. Ikoxle Dawid-e mokkya ija mwot bama Jowanpa ang chix füi mong chimüi.

ISAIA 57:17

Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

1 SAMUEL 31:13

Ifüima hwom zatuabu laxlaxle tinglong angkya tamarik pünnu tong ma hwom akhün, ilaxle nyix anüt atsaole nui.

WANWÜNKAX 17:22

Mongmüile ngokyae nang tsangtsa fanmüile thomüi. Othuithuima mongsik-ngünlanle ngokya a zaze-zazele zi ang tomkya changpu.