MÜNCHUAK-TSAI 31:7 - OTSAO BAIBEL (BSI)

⁷ Ku ang pwonlatungle mongmüiüi tamchu chithwonkya nang mongkün khoma a. Ku sikngün nange ngünpu; ku thangdangkya nange awanpu.

MÜNCHUAK-TSAI 31:7 ပူးပေါင်းရင်းမြစ်များ

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

MÜNCHUAK-TSAI 119:153

Ku sikngün to hulax, ilaxle ku khosünlax, chemthüikoxle chemtuechu kue nang wanlom ahaile chichang.

2 TIMOTHI 2:19

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

GALATIA 4:9

Kue thüipu, athax a hünzome Zang tsingle hüi tamchu Zange hünzom tsingle lax, jangchangba ibu zong chitüikya hia chilaxli chasabu hato chatse le chemle tsu? Chatlechu wüi hünzome büthüikya to hwom da ang achangle ngose tsupu?

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

MANGSOP 3:50

Zangkangting tokhange hulaxle Jowanpae kwom ngünle machang tanto.

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

MÜNCHUAK-TSAI 142:3

Chemtue ku ang mong komkaile maxpuix, kue chemle chang angkya hex ibu pangwüi chixe awan. Lomtang oja ma ku ahamle ngopuix, ikhato ku zanpabue ku aman ang kam thale thom.

MÜNCHUAK-TSAI 71:20

Nange ku hato sikngün tuitaibu ahüi, ikoxlechu nange wüi ku tsak-zong chatle chat ang tomüi; nange ku zuk-kha tole ang müntom.

MÜNCHUAK-TSAI 13:5

Ojem chifünkya nang mongkün to kue mongongpu; nange ku khosün angkya daile ku ang mongmüipu.

MÜNCHUAK-TSAI 9:13

O Jowanpa! Ku to chingchalax! Ku zanpabue ku sikangünkya to hule koplax! O Jowanpa! Ozik-omüt tokya ku khosünlax!

MÜNCHUAK-TSAI 1:6

Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.

JOB LAIPEX 23:10

Ikoxlechu ku chikap tiale Zang-e awan ngopu; chixe ku to wanle jangano; chixe ku otsaole atakse.

NEHEMIA 9:32

“O Zang, nang kwom Zang, nang a chemtukux chongpuix! Chemtukux za-adünle, chemtukux tsak-zongle tüipuix! Nange chialekya mogong füi nange tsaokyabu kaxfün otya ma thom. Asiria nok wanghombue kwom to zothuple changkya tokhange, athax kople, kwom chemtukuxle sikngünle hüidaopuix! Kwom wanghombu, kwom lompabu, kwom nguapabu hia ajebu, kwom putong hwom, ilaxle kwom khünaknu pangwüi sikngünle hüidaoa. Kwome chemtukuxle sikngün apongle hüidaopuix texle atak-hu!

JEREMIA 33:11

mongmüile akhongkya hia tuiju-nasomle puakya ozingbu a. Khünaknue Zangshwom-Hom to töbu apüile changpongma tsai ngole changkya zing hünzome atat ang kopüi; Hwome thüile: ‘Khüthak Jowanpa Zang ang münchong fakox, chemthüikoxle chix a müile ilaxle chix mongkün ma oshuk müntüi.’ Kue ija haxtok a amipongkya lailaile ahak-aluale chang ang tomüi. Ku, Jowanpae ija akaxdaoa.”

MÜNCHUAK-TSAI 90:14

Kwom tsün ma mongmüi üntoxle tsai ngaole tsuak angkya kuxma, nop-fokya to kwom chithwonkya nang mongküne awangle tüi ang tomhüi.

MÜNCHUAK-TSAI 25:18

Ku sikngün-mongthangbu ngünle laxhüi, ku ochaxbu thailakkya tüihüi.

MÜNCHUAK-TSAI 10:14

Ikoxlechu nange ngünle; nange thama hia sikngün ngünle üntoxle jento fong ang achwonle tüile. Fongmix owachu chitüikya khünakbue hwom lualua to nang chak to danle; nange othuithuima mixshix-zasa to fongle hüipu.

JOB LAIPEX 10:9

Nange ku kom; füi zingkya changpule texle ataklax; tamchatle ku haxbu ang achangle thuple akhix anghi?

1 KORIN 8:3

Ikoxle owawae Zang to mongkün jangtüi, Zange chix awanle.

MANGSOP 5:1

Texle ataklax, O Jowanpa, kwom to chemle pang changdao puix. Kwom to hulax, ilaxle kwom thünzak ngünlax.