MÜNCHUAK-TSAI 30:7 - OTSAO BAIBEL (BSI)

⁷ Jowanpa, nang a ku zongto müihule; haxnu angkya zanhunuibu lailaile nange ku ziakop. Ikoxlechu chemtue nange ku thoto nang thün khompuix, ku ang Tüle chazale.

MÜNCHUAK-TSAI 30:7 ပူးပေါင်းရင်းမြစ်များ

MÜNCHUAK-TSAI 104:29

Nange tok ahopongma hwom abütle za; chemtue nange nang zak syetle paopuix, hwom zile pao, hom zingle alaikya haxbu hato hwom chatle chat.

MÜNCHUAK-TSAI 143:7

Jowanpa, athax ku to lanhüi! Kue ku monghom pangwüi asamdaoa. Nang ku thoto khünle taxngo, chichangba ku a amalum to ledaokyabu khato ngo angkya changüi.

MÜNCHUAK-TSAI 89:17

Nange kwom ang tholün chongkyabu koxle; nang mongkün ma nange kwom zan to lütkyabu ang achangle.

MÜNCHUAK-TSAI 40:2

Za-adünkya tswomkha tokya chixe ku syetle alai, khünak mik amütfang sak khatokya a. Chixe ku longnu tok ma danle azün üntoxle ku ziakople thom.

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

MÜNCHUAK-TSAI 5:12

Jowanpa, nang kax ma laxle tüikyabu to nange mohimanle; nang mongküne hwom to di thatha ma thale.

JOB LAIPEX 10:12

Nange ku ang othuithuima khüzün hia mongkün koxpu, nange apu-achangkya matix ku ozün ma ngopu.

TSAITONG-KAXTONG 31:17

Chemtue ija changle hüiüihex, ku hwom füi mongtsiküi; kue hwom danle toxüi ilaxle hwom a max ang tomüi. Tüle za-adünkya thamabu hwom hato hüiüi. Ifüimatix ibue ku hwom Zang hwom füi womle chitüikya khoma ibu ile changpule tsingle awan ang kopüi.

ISAIA 38:17

Ku mongmüt a mongsom ang achangüi. Nange ku tsün thama pangnu chak tokya khosünle kop nange ku ochax pangwüi thailakkya tüi.

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

MÜNCHUAK-TSAI 10:1

O Jowanpa nang büthüikoxle ochu to ngopu? Kwome sikngün apong pongma nange nang thün büthüikoxle khompu?