MÜNCHUAK-TSAI 30:11 - OTSAO BAIBEL (BSI)

¹¹ Nange ku küntsik-mongma mongmüi to shwonkya ang achangdaoa; nange ku mongma laxlaxtoxdaoa üntoxle ku akhople mongmüi apüidaoa.

MÜNCHUAK-TSAI 30:11 ပူးပေါင်းရင်းမြစ်များ

JEREMIA 31:4

Tamchatle kue hünzom zingüi. Hünzome khopsyabu koplaxle tamchatle mongmüitungle azüi ang kopüi.

ISAIA 25:8

Jowanpa Khüthak Zang-e othuithui hanpak ang zikmüt-mangkho amütüi! Pangnusa mik angkya mikfi ti chixe fwotle awüt koxüi ilaxle zangfang pangnu khato chix khünaknue sikngün apongle hüikya thajao-wünhai chixe fwotle awütüi. Jowanpa chix jaoe akaxdaoa!

HWON-NWOT-JAONO 3:4

Chixe mongma angkya hia mongmüi angkya hanpak tyale thompu, mangsop angkya hia azüi angkya hanpak tyale thompu,

2 PUKAX-PANGAO 20:12

Nang a kwom Zang changpu! Ibu to sikngün ang tomkox, chemthüikoxle kwom a, kwom zan to dongle ngokya, ipongpong luile tüikya khünaknu tuto chem ziakhochu münngui. Chemle hwon koxle müiüile kwom ang jankho samkya khoma nang hato asunhüile nguipu.”

MÜNCHUAK-TSAI 149:3

Azüizüithale chix mün achuak kox; chix achuakle büi-hong samthu üntoxle thuaput-waxmai mütle changkox.

MÜNCHUAK-TSAI 150:4

Büihong samthule azüizüithale chix achuak kox. Thuaput hia waxmaibu füi chix achuak kox.

KAXHO MÜIKYA LUK 15:22

Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox.

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

2 SAMUEL 6:14

Dawid-e chix khyadax ma wokhit nyi füi ngui ilaxle chix zongzong ma Jowanpa achuak-achenle azüi.

MIKNGÜN-OHÜN 21:4

Chixe hwom mik angkya mikfi, pangwüi fwotle faüi. Ikhato zikya, mongmakya, sop-juakya, okak-olak chemchu müntüiüi. Hozang lili komle maxdaoa.”

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

MÜNCHUAK-TSAI 4:7

Ikoxlechu nange ku ang koxkya mongsom a hwome saxziak hia grep-ti makhange kopkya pangnu khüthak changle.

JUHAN 16:20

Otsingtsingma kue hünzom ang thüipu; hünzom sopüi ilaxle mong maxüi, ikoxlechu chaxwannu a mongmüiüi; hünzom ang mongmaüi ikoxlechu hünzom mongma a mongmüi ang achangüi.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

2 PUKAX-PANGAO 20:9

ija a, tüta ningkya thama-thomshix: ochax-ozan, okak-olak, otui-onuak, iningkyabu hwom thama adünle jangchang ija nang to shwomle ngokya Zangshwom-Hom to nguilaxle hwom nang tunthoma ajong ang tsuaküi. Hwom thangshixle changpongma hwome nang to jop ang tsuaküi, ilaxle nange atatlaxle hwom kho awale kop ang thoüi.

ISAIA 25:3

Tüle tsak-zongle tüikya nokbue nang achuakle changüi; mongtsik ashukle tüikya tingnubu to nang thua zakya tüiüi.

ESTAR 9:22

Hanpak ibibi a Judah khünakbu ma zanpabu chak tokya azangkya nyixbu changle; ija lyetkua a künmax-mongshanle ngokya mongmüi-pwonla füi alüixle laxkya lyet changle. Ija nyix fongkhale sax üntoxle tata füi fong ma alüixle tamchu mixshix-zasabu ang hingho tuita ningle osüt-oling koxle chang angkya hwom füi akax.

NEHEMIA 8:10

Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

PONGWANG LAIPEX 45:28

Chixe thüi: “Ku sasün Jusep ozün ma wüi tüile. Athaxpi ku chix hato kat-hüi. Ku maziziba wüi kue chix ngünle tox angkya changle.”

PONGWANG LAIPEX 37:35

Chix sasün hia sacha hwom pangwüi chix mong asom ang hüi, ikoxlechu chix ang mongsom chikop. Chixe thüi: “Ku a lumting tochu kusa mangsopnga lüwüi ka angkya changle.” Ile chix sasün Jusep mangsopkya tamchizaktox.

2 PUKAX-PANGAO 20:3

Jehusafat tüle za ilaxle Jowanpa ma tikshole chix lom azui angkya hanpakma zangjop. Ifüima chixe chix chaxwan pangnu khato wüi chisax-chilingle zangjople atsao angkya kax kox.

MÜNCHUAK-TSAI 27:7

Kue nyakpongma, O Jowanpa, nange ku kax apahüi! Chingchajaja laxle ku kaxto lanle changhüi!

JEREMIA 52:33

Ikhoma Jehoiakin ang chix kun khato ngopongma laxkya nyi-za lüi ang tom ilaxle chix tsüntsün ma wanghom tsap ma wanghompa füi tomle saxlingle ngo ang tom.