MÜNCHUAK-TSAI 3:8 - OTSAO BAIBEL (BSI)

⁸ Lütkya a Jowanpa tokhange tix hüipu: chixe chix khünaknu to mohimanle naxchang. Selah

MÜNCHUAK-TSAI 3:8 ပူးပေါင်းရင်းမြစ်များ

ISAIA 43:11

“Jowanpa a ku tata wüi, hünzom khosün ang tho angkya ku tata wüi.

JONA 2:9

Ikoxlechu kue nang achuakle tsai ngaiüi; kue nang ang tö tuita koxüi ilaxle kue chem tsaodaopuix ija moküi. Khosün a Jowanpa tokhange hüipu!”

HOSIA 13:4

Jowanpae thüi: “Ku a Jowanpa, hünzom Zang changpu. Ijip nok tokya hünzom zunle apüikya ku changpu. Hünzom ang ku boboma mama Zang tammüntüi. Hünzom khosünpa a ku tix changpu.

MIKNGÜN-OHÜN 7:10

Hwome akhongle akax: Chongwang tüntong ma thungle, tüikya hia Chun Hosa, kem Zang tokhange khosün hüile!

EFISIA 1:3

Kem Jowanpa Jisu Khrista Hopa Zang ang keme münchong fahax! Chemthüikoxle Khrista füikya kem notom ma, zangkang tingsho mohiman kem ang koxle chixe kem to mohimandaoa.

WANGSHEMBU MWOT 4:12

Khosün a chix lan makhange tix ataküi; chemthüikoxle chix mün makhange kem khosün angkya hexo le zangfang ma Zange chatle owa münchu koxle thomkya müntüi.”

WANWÜNKAX 21:31

Nange zan to ka ang manbu achwonle chang ang tsuak, ikoxlechu zan to anao ang tom angkya a Jowanpae tix changle.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

MÜNCHUAK-TSAI 72:17

Wanghompa mün otuechu chialakle naxngokox; zanghannu tsün lokya tukuxle chix mün fua-hi-zangle naxngokox. Pangnu jat-lie Zang ang hwom to mohimanfa le naxthüikox chixe wanghompa to mohimankya lailaile a.

JEREMIA 3:23

Haxnukho to kwome songsari baozang shwom ma kwom ang chem olüi chitüi. Israel nok hato ofong-otsox a Jowanpa, kwom Zang makhange tix hüipu.

MIKNGÜN-OHÜN 19:1

Ifüima tüle chongkya khünaknu othom akhongkya ningle zangkangting to ozing kue atat. Hwome thüi: “Zang achuakkox! Khosün, fuazang hia tsakzong, kem Zang kux changle!

MÜNCHUAK-TSAI 29:11

Jowanpae chix khünaknu ang janzüi kox üntoxle mongsom füi hwom to mohiman.

1 PITAR 3:9

oma lüix to oma chichangba thuakzom lüix to thuakzomle jan anongkya taxtüi; itülüi, mohiman mix laxkox, chemthüikoxle mohiman a Zange hünzom nyakkya zuma hünzom ang koxüile tsaokya changle.

IBRI 6:14

Chixe thüi: “Kue nang to mohimanüi, üntoxle nang ang ku sixli faüi le tsaopu.”

HUAKE LAIPEX 10:35

Chemtue Tsaotsüt Suak alaile achexpuix, Mosa-e thüi: “Ajongkox, Jowanpa; nang zanpabu afale pao ang tomkox ilaxle nang to miktsakkyabu zikle pao ang tomkox!”

2 SAMUEL 23:12

ikoxle Shammah a ija haxtok ma onui angkya chipaole ajong, ija ziakop, ilaxle Filistia nok lang. Ija nyix azankya Jowanpae wüi anao.

MÜNCHUAK-TSAI 9:20

Hwom a za ang tomkox, Jowanpa; hwom a ziün angkya khünak changpule hwome tikle lax ang tomkox. Selah

MÜNCHUAK-TSAI 31:16

Nang dapa to chingcha füi huhüi; ojem chifünkya nang mongkün ma ku khosünle thom hüi.

MÜNCHUAK-TSAI 58:7

Ti zople samkya ningle hwom osün chingünle naxsamün; hwom a lomnu tang tokya fumbu ningle cha füi nakle naxakhix dao.

MÜNCHUAK-TSAI 119:94

Ku a nang kux changle: ku khosün hüi! Kue nang kaxtombu kax ma lax ang azongdaoa.