MÜNCHUAK-TSAI 28:7 - OTSAO BAIBEL (BSI)

⁷ Jowanpae kho-awa üntoxle wintuk-hanthale chang; kue chix to mongong thompu. Chixe ku to fong üntoxle ku ang mong amüi; Mongmüi tsaibu füi kue chix achuakpu.

MÜNCHUAK-TSAI 28:7 ပူးပေါင်းရင်းမြစ်များ

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

EFISIA 6:10

Oshukma, chix tsakzong chongkya makhange, Jowanpa füikya notom ma hünzom tsakzong alailax.

MÜNCHUAK-TSAI 40:3

Chixe ku hama tsaizün ngao angkya ano, kem Zang ang münchong fakya tsai a. Ija ngün ang kopkya khünakbue khünzai ang kopüi ilaxle hwom mongong Jowanpa ma thomüi.

MÜNCHUAK-TSAI 13:5

Ojem chifünkya nang mongkün to kue mongongpu; nange ku khosün angkya daile ku ang mongmüipu.

MÜNCHUAK-TSAI 28:8

Jowanpae chix khünaknu kho-awale kople; mae zünle kopkya wanghompa kho awalaxle chixe sünle kople.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

MÜNCHUAK-TSAI 69:30

Kue tsai tuita füi Zang achuaküi; kue chix a münchong fakya makhange chix chongle zaxzangkya khuapuüi.

MÜNCHUAK-TSAI 22:4

Kwom pu-pa hwome nang to hwom mongong thompu; hwome nang to ongpu, üntoxle nange hwom khosünpu.

MÜNCHUAK-TSAI 91:4

Chixe nang to chix kui-zang füi ole thomüi; chixe humele nang kho sünle thomüi; chialekya chix mongonge nang ziakople tamchu kho-awale thomüi.

MÜNCHUAK-TSAI 3:3

Ikoxlechu Jowanpa, thama chak tokya ku hale tui ang jento nang a di changle; nange ku ang tho-lün ang tomhüi üntoxle ku mong chatle achen fahüi.

MÜNCHUAK-TSAI 21:1

Nange chix ang janzüi koxkoxle, O Jowanpa, wanghompa ang mongmüile; nange chix ang zan to lüt ang tomkya khoma tüle mongmüile.

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

MÜNCHUAK-TSAI 46:1

Zang a kem loxkax changpu, üntoxle sikngün pongma fong ang jento achwonle ngokya janzüi changpu.

MÜNCHUAK-TSAI 33:21

Chix khokho ma kwom ang mongmüipu; chix otsao mün to kwome mongongpu.

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

MÜNCHUAK-TSAI 19:14

Ku zangwün hia ku tutexbu nang zongto pongle koptsuakkya lima naxchang, O Jowanpa, ku khangkhom nui üntoxle ku shakkop-pupa!

ISAIA 45:24

“Ku makhange tix wüi lütkya hia janzüi kopüile hwome thüile; ikoxlechu ku thua anule tüikya pangwüi e-sekya chitüile toxüi.

MÜNCHUAK-TSAI 3:4

Ku to fong angkya hanpakma kue Jowanpa nyak, ilaxle chix otsao haxnu makhange chixe ku to lan. Selah

MÜNCHUAK-TSAI 13:6

Kue nang achuakle tsai ngaoüi, O Jowanpa, chemthüikoxle nang a ku zongto tüle müile.

MÜNCHUAK-TSAI 37:39

Jowanpa otsao khünakbu khosünle kople üntoxle thangnak hüipongma chixe hwom kho-awale kople.

MÜNCHUAK-TSAI 43:2

Nang a ku zia kop pupa; nange ku büthüikoxle dantoxpu? Ojao chingcha chitüikya zanpabu chak to ku büthüikoxle sikngünlanle ngo ang tompu?

MÜNCHUAK-TSAI 46:2

Idaile chaxwannuchu kangnax aloxkox, haxnubuchu molo tinu jithong to naxdütkox,