MÜNCHUAK-TSAI 28:1 - OTSAO BAIBEL (BSI)

¹ O Jowanpa, ku khosekya mix, kue nang nyakpu. Ku sopkya zing apahüi! Nange ku kaxto chilan thüikoxle, Ku a amalum pan thaikyabu khato wom angkya changle.

MÜNCHUAK-TSAI 28:1 ပူးပေါင်းရင်းမြစ်များ

MÜNCHUAK-TSAI 143:7

Jowanpa, athax ku to lanhüi! Kue ku monghom pangwüi asamdaoa. Nang ku thoto khünle taxngo, chichangba ku a amalum to ledaokyabu khato ngo angkya changüi.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

WANWÜNKAX 1:12

Kem thoma hwom haxmüi-zangmale tamchu müimüi-zangngaile bang koxlax, ikoxlechu kem tokfüi ma hwom a omang ang changle bangüi!

MÜNCHUAK-TSAI 83:1

O Zang, kax-o ngao-o chithüi sütaxngo; dangja tomtale, kongdi lechu taxngo!

MIKNGÜN-OHÜN 20:3

Zangpua hajat tuita ma ashuk tanto chaxwannu dyen angkya chemchu chitüi angkya hanpakma kaxtaimixe chix othong chitüikya tswom khato sho; ija oka hak üntoxle tsüile thom. Ifüima chix onox ma tam dan angkya changle.

ISAIA 26:4

Jento Jowanpa to mongong tüilax; chixe jento kem kho-awale thomüi.

JOB LAIPEX 33:28

Amalum to ledaose ku chixe kople thomwüi, ilaxle athax kople ku ozün ma ngopu.”

ISAIA 38:18

Sheol tokhange owaechu nang achuak ang müntho; ziünkyabue nang to aokya chitüile mongong thom ang müntho.

MÜNCHUAK-TSAI 35:22

Idaile Jowanpa, nang taxdang; nang ochu to taxngo!

MÜNCHUAK-TSAI 30:9

“Ku mik maxkya ma nang ang olüi chemtüi? Ku zuk-kha to lekya ma nang ang olüi chemtüi? Zidaokya khünakbue nang ang münchong fa tsuak ang chami? Tamchu chithwon nang müikya bama hwome apuk tho ang chami?

MÜNCHUAK-TSAI 22:2

Anyixningkya zangngai ma kue nang nyakpu, nang ku Zang, ikoxlechu nange tamchilanpu; kue zangnak ma nyakpu, ikoxlechu nazak chiatakpu.

MÜNCHUAK-TSAI 3:4

Ku to fong angkya hanpakma kue Jowanpa nyak, ilaxle chix otsao haxnu makhange chixe ku to lan. Selah

MÜNCHUAK-TSAI 77:1

Kue Zang hato zongbakle akhong sop; ku akhongle sop, ilaxle chixe ku zing atat.

MÜNCHUAK-TSAI 69:15

Tinu-mualyemkya ku hato hüi ang taxtom; jithong to adütle laxle ku tie ling ang taxtom chichangba zuk khae ku saxjokpupule jok ang taxtom.

MÜNCHUAK-TSAI 5:2

Fonghüile akhong pongma ku to apahüi, ku Zang üntoxle ku wanghompa! Kue nang to zangjoppu, O Jowanpa;

MÜNCHUAK-TSAI 142:1

Fong angkya lomle kue Jowanpa to nyakpu; kue chix ma chingcha jupu.

MÜNCHUAK-TSAI 39:12

Jowanpa, ku zangjop to apahüi, ilaxle ku sopkya to apahüi; Ku sop-pongma ku to fong ang nguihüi. Ku putong hwom ningle ku chuwüi onox ma nang wünpa tuita ang nguitox wüi.

MÜNCHUAK-TSAI 42:9

Zang, ku khosepa ang kue thüipu, “Nange ku büthüikoxle alakpu? Ku zanpabu zothup chak ma ku büthüikoxle sikngünlanle ngo ang tompu?”

MÜNCHUAK-TSAI 30:4

Jowanpa achuakle tsai ngaokox, chix to mongong tüikya khünak pangnu! Otsaopa-e chem mokdaopuix texle ataklax, üntoxle chix ang münchong fakox!

MÜNCHUAK-TSAI 142:2

Kue chix hama ku tingtui pangwüi wün.