MÜNCHUAK-TSAI 27:14 - OTSAO BAIBEL (BSI)

¹⁴ Jowanpa to mongong tüikox. Mongong tüikox, mong taxatho. Jowanpa to mongongkya tüikox.

MÜNCHUAK-TSAI 27:14 ပူးပေါင်းရင်းမြစ်များ

ISAIA 40:31

Ikoxlechu opangsa Jowanpa to mongong thompuix ibue hwom ang janzüi tüile ngokya awanle laxle. Hwom a lawangbu ningle ozang füi piüi; hwom ziküi ikoxle china-chijuaüi; hwom ahamüi ikoxlechu chisho-chinaiüi.

MÜNCHUAK-TSAI 31:24

Hünzom pangnu Jowanpa to monghom tüikyabu, chatsak-muazongle mongchong hüi.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

MÜNCHUAK-TSAI 37:34

Nang monghom Jowanpa ma thomlax ilaxle chix kaxtombu kax ma laxlax; hünzom ang haxtok koxle chixe hünzom achuak-achenle changüi, üntoxle chichang-chizangkya khünakbu jwonle apaokya hünzome ngün ang kopüi.

MÜNCHUAK-TSAI 130:5

Jowanpae fong angkya hanpakma kue mongtsule tanle nui, ilaxle kue chix kax to mongong.

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

EFISIA 6:10

Oshukma, chix tsakzong chongkya makhange, Jowanpa füikya notom ma hünzom tsakzong alailax.

MÜNCHUAK-TSAI 62:5

Kue Zang tata to mongong tüipu; kue ku monghom chix ma thompu.

KOLOSI 1:11

Hünzome pangnu li to thuakjokle adu tho angkya hanpakma, chix fuazang zong makhange hüikya zong pangnu füi hünzom tsakzong le naxchang.

MÜNCHUAK-TSAI 138:3

Kue nang nyak pongma nange ku to lanpu; nang janzüi pangnusa füi nange ku ang janzüi fapu.

WANWÜNKAX 20:22

Thaikya tsangthom angkya nang tata akhang ma taxlax. Jowanpa to onglax jangchangba chixe achangle zingüi.

MÜNCHUAK-TSAI 33:20

Kwome kwom mongong Jowanpa ma thompu; chix a kwom ziakopmix tamchu fongle fapupa changle.

ROM NOK HATO ZAKYA POL LAIZA 8:25

Ikoxlechu keme ngün ang chikopkya to monghomkya jangchang thüiba, keme ija hanpakma adule tan angkya changle.

MANGSOP 3:26

Idaile thuakjokle tan angkya a kem zongto amüikya changle—kem khosün bama chix thatan angkya a—

1 KORIN 16:13

Mik-hing le ngolax, mongong ma shingmongle ngolax, mong chonglax, zong tüilax.

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

MÜNCHUAK-TSAI 25:21

Nang a müikya tamchu sukya, nange ku khosünle thom hüi, chemthüikoxle kue nang to mongongpu.

MÜNCHUAK-TSAI 25:3

Nang to mongong tüikyabu to mixe münlüt toxüi, nang füi alün-aloxkyabu füi ochwonpai ma apongüi.

PONGWANG LAIPEX 49:18

“Jowanpa, ku a nang khosün hanpak tanle ngopu.

KAXHO MÜIKYA LUK 2:25

Iponge Simeon le amünkya mixpa tuita Jerusalem ma tüikya. Chix a müikya mix tuita, zangshwom ma zongkya üntoxle Israel khosün hanpakma tanle ngokya mix tuita changkya. Otsao Chasa chix ma tüikya.

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

EFISIA 3:16

Fuazangle chix ahak-aluale tüikya kha tokya hünzom mong ma zong adün angkya bama Chasa makhange zong laxkoxle kue Zang ma jupu,

MÜNCHUAK-TSAI 62:1

Zang-e ku khosünle kop angkya hanpakma adule tanngopu; kue chix totix onglaxle ngopu.

MÜNCHUAK-TSAI 40:1

Jowanpa ofong-otsox hanpakma kue adule tan; ifüima chixe ku zing apa üntoxle ku sopkya zing atat.

ISAIA 26:8

Kwome nang mongtex man topu ilaxle nang ma kwom monghom thompu; kwome sung-zaokya pangnu a nangtix changle.

KAXHO MÜIKYA LUK 2:38

Ipongkhae she Zangshwom-Hom to nguilaxle Zang ang münchong kox, üntoxle Jerusalem khosün tanle ngokyabu pangnu hama she e ija naosa bama akax.

WANGSHEMBU MWOT 28:15

Rom tingnu angkya khristan tüinaobue kwom nguikya zing atatlaxle Apias hatnu sütnui hia nazak nui azom tüikya kha kople kwom füi apong ang pong to za. Pol-e hwom ngünkya zuma Zang ang münchong fa ilaxle mongchong.

MÜNCHUAK-TSAI 37:7

Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.