MÜNCHUAK-TSAI 27:13 - OTSAO BAIBEL (BSI)

¹³ Ija ku tsün ma Jowanpa müikya ngün angkya hanpakma ku ozün ma ngokya kue awanpu.

MÜNCHUAK-TSAI 27:13 ပူးပေါင်းရင်းမြစ်များ

MÜNCHUAK-TSAI 142:5

Jowanpa, ku to fongle fa angkya hanpakma nang nyakle ku akhongpu; Jowanpa, nangtix ku khowapa changpu; ku tsün ma kue lomkya nang tata wüi.

2 KORIN 4:16

Ija khoma otuechu kwom ang mong münhix. Kwom tsangtsa tsün zaze-zazele zatnaile hüile, ikoxlechu kwom chasa tsün a nyixta füima nyixta le sümüile azünle.

MÜNCHUAK-TSAI 56:3

Chemtue ku zapuix, O Khüthak Jowanpa, kue ku mongong nang ma thompu.

MÜNCHUAK-TSAI 31:19

Nang achuak-achenle tüikyabu hanpakma nange thomle tüikya oli, chemtukuxle ohünotün hex! Nang chemtukux müipuix ija noknusae awan ngopu, nang to mongong thomkyabu nange chemle ziakople kho-awa thompuix!

MÜNCHUAK-TSAI 56:13

chemthüikoxle zikmüt-mangkho tokya ku nangetix sünpu ilaxle ku to lüt ang chitompu. Ikhoma ku Zang womkya ma ahampu, ozün ma tüikyabu to nyankya zangngai ma a.

MÜNCHUAK-TSAI 42:5

Chemkhoma ku ang ipongpongle mongma? Chemkhoma ku ang ipongpongle mongsik-ngün? Kue ku mongong Zang ma thomüi, üntoxle tamchatle kue chix achuaküi, ku khosünpa, ku Zang.

2 KORIN 4:1

Zange chix chingcha makhange kem ang ija mwot mok le koxdaoa, ikhoma kwom ang mong münhix.

JOB LAIPEX 28:13

Je-hwon a khünak khama ataküi münchang; ija otha otsingtsing a owaechu müntik.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

JEREMIA 11:19

Ku a mongongsakya tuita lang ang paole ngole chun ningle chang, ilaxle hwome ochax huxtsing-loptsang mwot ibu mok ang aze ngokya a ku zan to ka ang atsing ngopule kue chitik. “Kemepi opün wan müile ngopongma ija pün dakle changhax; kemepi owaechu chix texle chiatak angkya hanpakma chix mik amüt-hax”, le hwome akaxle ngo.

EZEKEL 26:20

Kue nang a kaipongkya khünakbu füi tomle ngo angkya hanpakma nang a amalum pan akaile joüi. Tamchu chimüitox angkya hanpakma amale thomdaokya fangchi lwompu ting to ziünkya nok füi kue nang ngo ang tomüi. Ikhoma nang a ozün ma ngokya nok to tamchatle ating-anokle nang ngwotnui ang müntom.

ISAIA 38:19

Athax kue nang achuakkya ningle, nang achuak angkya a ozün ma ngokyabue tix. Nu-pa hwome naosombu hama chialekya nang mongong bama wün.

JOB LAIPEX 33:30

Chixe khünak ang khüzün kox, üntoxle ozün ma ngokya mongmüi kox.

ISAIA 38:11

Ija ozün ma ngokya chaxwannu ma tamchatle Jowanpa ngün ang münkopüi, chichangba ozün ma ngokyabu owachu ngün ang münkopüingün le kue thüt.

MÜNCHUAK-TSAI 52:5

Ikhoma Zang-e nang a othuithui hanpak ang olithule amaüi; chixe nang to künle kopüi ilaxle chixe nang homkha angkya nang ahuxle paoüi; chixe nang a ozün ma ngokya haxtok angkya apaoüi. Selah

MÜNCHUAK-TSAI 142:6

Asunle fahüile ku sopkya zing atatlax, ku a jejao pale dütdaoa. Ku zanpabu chak tokya ku khosünhüi; ku zongto hwom a müimamale tsakle.