MÜNCHUAK-TSAI 27:12 - OTSAO BAIBEL (BSI)

¹² Ku to othai hia atsekya lomtang makhange single ngokya ku zanpabu chak to ku taxawüt.

MÜNCHUAK-TSAI 27:12 ပူးပေါင်းရင်းမြစ်များ

MÜNCHUAK-TSAI 41:11

Hwome ku to lüt ang münthopu, ilaxle ku füi nang mongmüile tüikya kue awanüi.

MÜNCHUAK-TSAI 31:8

Nange ku zanpabu ang ku kop ang chitom; ku mong atsutsu khato aham angkya nange ku ang mongtex panpu.

MÜNCHUAK-TSAI 35:11

Ochax khünakbue ku ang münmüile kaxkhi kox, kue ngaxchu chitsingkya mikmütbu bama ku ma kaxhuxfe.

WANGSHEMBU MWOT 9:1

Ibaba ma Sol-e Jisu Khrista wangpünbu lang-huakle zothup ngo. Chix nguakho hato pao,

MÜNCHUAK-TSAI 35:25

“Chix chitüikya müidaoa! Kwome ija lomwüi!” le hwom lualua to zangwün ang taxtom.

MÜNCHUAK-TSAI 140:8

Chichangchizangkyabue mokse tsukya mokle tsuak ang taxtom, O Jowanpa; chixe tungkya ochax mwot mokle tsuak ang taxtom! Selah

MÜNCHUAK-TSAI 41:2

Jowanpa hwom khüzün ziakople sünthomüi; ija haxtok ma hwom mongmüi ang tomüi; zanpabu tsak-zong chak to chixe hwom mündantoxüi.

MÜNCHUAK-TSAI 38:16

Ku shoma khoma ku zangpabue chanyile wanjaikya tüi ang taxtom; kue chithole changkya bama hwom tsaichong-kaxbongkya tüi ang taxtom!

1 SAMUEL 26:19

Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

LAIPAO 20:16

“Owa machu chichangkya kaxhux taxfe.

WANGSHEMBU MWOT 26:11

Kue obi thomthom ma hexle sinagok pangkha towüi hwom to zothup ilaxle hwom ang Zang ajao ang kox ang azongpu. Hwom füi mong athukle tsikkya mixnok tingkhua to ma apüile kue hwom zothuppu.”

MÜNCHUAK-TSAI 25:19

Ku zanpabu chemtukux tüipuix hukophüi; hwome ku to chemtukux tsakpuix ngünle kophüi.

TSAITONG-KAXTONG 19:16

Owawa khünak tuitae owawa khünak tuita ma othai kaxhux fe ang azongle jangchang,