MÜNCHUAK-TSAI 27:11 - OTSAO BAIBEL (BSI)

¹¹ Jowanpa, nange chemle texpuix ija ku hama anwot-ano fahüi, thomzün-maklax angkya chitüikya lom to ku zunhüi, chemthüikoxle ku ang zanpabu huanuma tüile.

MÜNCHUAK-TSAI 27:11 ပူးပေါင်းရင်းမြစ်များ

MÜNCHUAK-TSAI 5:8

Jowanpa, ku ang zanpabu huanuma tüile! Nang mongtex lom to ku zunhüi; kue to angkya nang lomnu zinghüi ajitjuile.

MÜNCHUAK-TSAI 86:11

Nange ku ang chem amokse hex ku hama anwot-anole fahüi, ilaxle chialekya mongong füi kue nang kax ma laxüi; komkaile mongkoxkya füi ku hama nang thotha angkya anwot-anole fahüi.

MÜNCHUAK-TSAI 26:12

Pangnu thama chak tokya ku azangle tüile; chix khünaknu tusox ma kue Jowanpa achuakpu.

MÜNCHUAK-TSAI 119:10

Ku kün-mong abakle koxle kue nang thotha ang azongpu; ku nang kaxtombu kax ma chilax homle ngo ang taxtom.

MÜNCHUAK-TSAI 64:6

Hwome ochax mok ang tung, ilaxle thüi: “Keme tsaothale mik-amüt ang tung angkya katzua tsuakdaoa.” Khünak künmong hia woktex a ohünotün changle.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

JEREMIA 20:10

Pangnusae huxsa ma wünkya kue atat, “Thomshix thama a pangkhato tüile! Idaile chix bama pünpa-chongwangbu hato kax koxhax!” Ku zuikhui shemkhaxbu ngaxchu ku dütüi to hule nui. Hwome thüi: “Chix a dyen ang tsuaküi, ifüima keme chix koplaxle olüix khom ang thoüi.”

MÜNCHUAK-TSAI 25:9

Puinaikyabu chixe sukya lomtang to zun, hwom hama chix mongtex anwot-anole kox.

KAXHO MÜIKYA LUK 20:20

Ilaxle hwome oshua to hule ngo. Künkox-mongkoxkya khünak ningle hüilaxle chix dyen angkya hanpakma hwome khünkhi-khikya khünak züita shak ilaxle kax atüikyabu füi Jisu tsün angkya hanpakma hwom tsanle apao. Apün-awangkyabu hia Roman gowarnor chak to chix owüiole koxtsuak angkya kuxmale hwome ile hwon.

WANWÜNKAX 8:9

Tuitex füikyabu zongto ibu pangwüi tsaothale; müile apuale fadaokyabu zongto ija a tangtho.

MÜNCHUAK-TSAI 25:12

Jowanpa chathua zakya tüikyabue hwome to angkya lomtang chix makhange awanle laxüi.

WANWÜNKAX 15:19

Nang zaxkak-mongdomle jangchang, pangnu chito nang füi tingtuitui wüi apongüi, ikoxlechu nang ma tsaitsing-kaxtsing jangtüi, nang ma otuechu tingtui müntüiüi.

MÜNCHUAK-TSAI 54:5

Ku zanpabu to sikangün angkya hanpakma Zang-e hwom ochaxbu naxtwonkox. Chixe hwom amütüi chemthüikoxle chix a chialekya mongong füikya changle.

MÜNCHUAK-TSAI 5:9

Ku zanpabu kax to chemtuechu mongong fang münchang; hwome zia ama angkya tata lomle. Hwom zangwün a jonai ma, zamzale münchang, mik-amüt hia khualop zangwüne awangle tüile.

MÜNCHUAK-TSAI 139:24

Ilaxle ku ma tütali chichang-chizangkya olom tüilaxcha le hulax, ilaxle oshuk chitüikya lom to ku azuihüi!