MÜNCHUAK-TSAI 26:11 - OTSAO BAIBEL (BSI)

¹¹ Ku hanpakpak a, chem supuix ijatix kue mokpu; ku to chingcha-jaja tüihüi üntoxle khosünle kophüi!

MÜNCHUAK-TSAI 26:11 ပူးပေါင်းရင်းမြစ်များ

MÜNCHUAK-TSAI 69:18

Ku hato hüilaxle ku sünle kop-hüi; ku zanpabu chak tokya ku azünhüi.

MÜNCHUAK-TSAI 26:1

Jowanpa, ija bama kue chemchu müntik koxa, le ngaifa, chemthüikoxle kue chem supuix ija mokwüi ilaxle komkaile mongong thompu.

1 THESALONIKA 2:10

Hünzom mongongkyabu zongto kwom zanglom saikha tsaotha le tüikya, sukya ilaxle thaikya kha chitüi le tüikya changpu le kaxkhi ang hünzom changle ilaxle Zang chuwüi changle.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

ISAIA 38:3

“Texle ataklax, Jowanpa, kue mongong füi tamchu kax ma laxle nang thothale hüidaoa, ilaxle kue nang mong ma atsutsu mokle-ole azongle hüidaoa.” Ilaxle chix mongmaxle sop ang süt.

MÜNCHUAK-TSAI 49:15

Ikoxlechu Zang-e ku khose kopüi; zikmüt-mangkho tsak-zong chak tokya chixe ku azünüi. Selah

MÜNCHUAK-TSAI 49:7

Keme malailai to otuechu ma khüzün tsangthom ang müntsuak; Zang ang keme kem khüzün thathom ang müntsuak,

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

NEHEMIA 13:31

Khünaknue hwom puamün kha angkya saxziak hia pünziak töbu apüile chang angkya hanpakma tamchu hwome ibu apüi pongma töbu zokle ashun angkya hanpakma tingtui nakdong le kue ha achwonle koxpu. Ibu pangwüi texle atak-hüi ilaxle ija bama ku to chingchakya tüihüi.

NEHEMIA 13:22

Liwi hwom ma alüile atsao koxle, Sabath müile atsaole thom angkya kuxma panbu nye angkya kue kaxkoxle changpu. Ija bamachu ku texle atat-hüi, O Zang, ilaxle nang mongkün chongkya tüikya khoma ku panle thom hüi.

NEHEMIA 13:14

Nang Zangshwom-Hom hia ija zangshwom bama kue mokkyabu mong ma koplax, ku Zang.

NEHEMIA 5:15

Ku thoma Gowarnor ang ngole hüikya khünakbu a khünaknu zongto hünlit ang achangle tüikya, chemthüikoxle hwome nyixfokya to hwom angkya khop ngunkhix punyi pong, süt hia ju hanpak ang jule lax. Hwom dabue ngaxchu khünaknu to sikangün. Ikoxlechu kue ile chimok, chemthüikoxle kue Zang achuakachenle tüikoxle.

MÜNCHUAK-TSAI 101:2

Ku zanglom-saikha a thaikya chitüile changüi. Nang ku hato chemtue nguiüi? Ku hom ma kua tsaothakya tsün ngoüi,