MÜNCHUAK-TSAI 25:9 - OTSAO BAIBEL (BSI)

⁹ Puinaikyabu chixe sukya lomtang to zun, hwom hama chix mongtex anwot-anole kox.

MÜNCHUAK-TSAI 25:9 ပူးပေါင်းရင်းမြစ်များ

MÜNCHUAK-TSAI 23:3

Chixe ku ang janzüi hozün kox. Chixe ku changkya lomnu to zun, ija a chixe tsaokya lailaile chang.

GALATIA 5:23

iningkyabu füi wanlom müntüi.

MATHI 5:5

“Puinaikyabu mohiman; Zang kaxtsaobu hwome ataküi!

1 PITAR 3:15

Ikoxchu hünzom mongtsang ma, Khrista a Jowanpa changpu le achuak achenkya tüilax. Hünzom ma tüikya monghom bama owawae kaxtik-ngaoshokya jangtüiba, chix kax to lan ang othuithuima achwonle ngolax.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

EZEKEL 36:27

Kue hünzom ma ku chasa shole koxüi ilaxle hünzome kue fakya wanlombu hia kaxtombu pangwüi thomle changlaxma hexle ija to huüi.

MÜNCHUAK-TSAI 149:4

Jowanpae chix khünaknu füi mongmüile; puinaile changkyabu chixe zan to lüt ang tomkya füi achuak-achenle.

MÜNCHUAK-TSAI 147:6

Chixe puinaile changkyabu nwonle, ikoxlechu chichangchizangle tüikyabu haxkha to zutle akhixle.

MÜNCHUAK-TSAI 143:10

Nang a ku Zang changle; nang mongtex mok angkya ku hama anole fahüi. Ku zongto müihüi, ilaxle thomzün chitüikya lom to ku lomzunhüi.

1 PITAR 3:4

ikoxle mong othongdua to, künsom mongdang hia dangjajakya chasa, omüt osam chitüikya zapua ang achanglax; ija chasa a Zang miksho ma thalix changle.

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

MÜNCHUAK-TSAI 119:66

Ku ang je-hi-hwon laxhüi, chemthüikoxle kue nang kaxtombu to ongpu.

MÜNCHUAK-TSAI 119:35

Ku a nang kaxtombu kax ma laxle thom hüi, chemthüikoxle ibu ma kue mongmüi atakle.

MÜNCHUAK-TSAI 76:9

chaxwannu angkya afangle thomkyabu pangwüi azün ang, kaxfün ngai ang nang ajong pongma a. Selah

MÜNCHUAK-TSAI 73:24

Nange adangle fakya füi ku lom azüi ilaxle oshukma nange ku achuakachenle pongle kop angkya changle.

MÜNCHUAK-TSAI 27:11

Jowanpa, nange chemle texpuix ija ku hama anwot-ano fahüi, thomzün-maklax angkya chitüikya lom to ku zunhüi, chemthüikoxle ku ang zanpabu huanuma tüile.

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

IBRI 10:20

Atsyenkya nyi oja chix tsangtsa hex, ija makhange chixe kem ang lomzün, khüzün lom dapdaoa.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

ISAIA 11:4

chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

WANWÜNKAX 8:20

Ku otsao khünakbu lomtang ma ahampu; kue sukya kaxfün lomtangbu topu.

WANGSHEMBU MWOT 13:10

ilaxle thüi: “Nang a baosu baosa changle! Nang a otsao pangwüi füi apüikya mix changle; nang a hux-kün lop-monge awangle tüile, üntoxle nang a othuithuima Jowanpa otsingtsing othai ang achang ang azong ngokya mix changle!

WANGSHEMBU MWOT 9:2

üntoxle Jowanpa-e ahokya lom tokyabu owawa jangbang thüiba, chixe hwom sheko lüka pangnu kop ilaxle Jerusalem to laxlaxle chat ang tsuak angkya bama, Damaska tokya Jehudi nok sinagokbu ma akhokyabu hato, chix owa hex tamchu chixe chem mok angkya zong koplaxle nguipuix, ibu apuale süntsing münwan fakya laiza jule kop.