MÜNCHUAK-TSAI 25:5 - OTSAO BAIBEL (BSI)

⁵ Nang otsingtsing lom ma ku ngo angkya anwot-ano fahüi, chemthüikoxle nang a ku khosünle fakya ku Zang changpu. Jento kue nang to mongongpu.

MÜNCHUAK-TSAI 25:5 ပူးပေါင်းရင်းမြစ်များ

WANWÜNKAX 8:34

Opange ku kax ma laxpuix: opang nyixfokya to ku hom zünkai ma ku hom fülom nyele ngopuix, hwom mongmüile ngoüi.

MÜNCHUAK-TSAI 25:10

Chix Tsaotsüt hia chix kaxtombu thomkya khünak pangnu, mongong tüikya hia mongkün füi chixe azui.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

MIKNGÜN-OHÜN 7:17

chemthüikoxle chongwang tüntong, osungwa angkya Chun Hosa a, hwom Chunnyetpa changüi; khüzün tümik fuaknui to, chixe hwom zunnüi. Hwom angkya mikfi pangwüi, Zange fwotle faüi.”

JUHAN 14:26

Ikoxle fongmix ija Otsao Chasa, Apae owa ku mün ma ahüi angkya hex, chixe hünzom hama pangnusa apuale fa angkya changle, ile kue hünzom füi akax daokyabu pangnu texle atak ang tomüi.

JUHAN 16:13

Ile changkoxchu, Otsao Chasa nguikya zuma, otsingtsing pangnu hato chixe hünzom zun angkya changle. Chixe ma mongtex ma chiakaxüi, ikoxle chempang chixe atat puix, ijabu bama tamchu hüi angkya chempang tüipuix, ijabu bama chixe hünzom ang awan ang tomüi.

MÜNCHUAK-TSAI 88:1

Jowan Zang, ku khosünpa, han ahomle ku soppu, ilaxle awünningle ku nang hato hüipu.

MÜNCHUAK-TSAI 79:9

O Zang, kwom to asunhüi ilaxle kwom khosünle kop-hüi; nang mün-mün wüi achuak-achenle naxngofa, kwom azünhüi ilaxle kwom ochaxbu thailak tüihüi.

NEHEMIA 9:20

Nang künmüi-mongmakya füi nange hwom ang, hwome chem mok angkya olom hex ija apuale kox; nange hwom manna füi tux ilaxle ling angkya ti alaile kox.

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

ROM NOK HATO ZAKYA POL LAIZA 8:14

Opang Zang Chasae zunle tüilaxpuix hwom a Zang susabu changle.

KAXHO MÜIKYA LUK 18:7

Üntoxle Zange zünle kopkyabu opange hwom to asunhüile zangnak zangngai chix nyakle akhongle ngopuix, chixe hwom khosele kaxfün münfaüi hia? Üntoxle hwom khosele kaxfün ang shen ngoüi hia?

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

MÜNCHUAK-TSAI 119:66

Ku ang je-hi-hwon laxhüi, chemthüikoxle kue nang kaxtombu to ongpu.

MÜNCHUAK-TSAI 107:7

Chixe hwom tangthokya lomnu to zunle pao, hwom ngotho angkya tingnu to a.

ISAIA 42:16

“Kue ku khünak miksutbu lom azuiüi hwom a lomnu makhange otuechu ma-aham. Kue hwom zangnak ang zangngai ang achangüi ilaxle hwom tunthoma tsoxtsütkya lomnu ajitjuile zingüi. Ibu a ku kaxtsaobu changpu, ilaxle ibu otuechu chichang homle le ang müntom.

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

ISAIA 54:13

“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

WANWÜNKAX 23:17

Ochax khünakbu to osingkya taxtüi; Jowanpa chathua zale tüi angkya tix nang hünlit ang laxkox.

MÜNCHUAK-TSAI 119:97

Kue nang wanlom to chemtukux mongkün puix! Kue ija bama han-ahomle ajangle.

JUHAN 6:45

Ajepae ile zakya tüile: ‘Pangnusa hama Zange apuaüi.’ Owae Apa kax atatüi hex tamchu chix makhange awanle laxüi hex, chix tix ku hato nguile.

MÜNCHUAK-TSAI 86:3

Nang a ku Zang, idaile ku to chingcha tüihüi; han ahomle kue nang to jop-topu.

MÜNCHUAK-TSAI 24:5

Jowanpae hwom to mohimanüi üntoxle hwom khosünüi; Zang-e hwom a chem onu-oma chitüikyabu changpule ngaiüi.

MÜNCHUAK-TSAI 22:2

Anyixningkya zangngai ma kue nang nyakpu, nang ku Zang, ikoxlechu nange tamchilanpu; kue zangnak ma nyakpu, ikoxlechu nazak chiatakpu.

MÜNCHUAK-TSAI 119:33

Nang wanlombu chem hex ija ku hama anole fahüi Jowanpa, ilaxle kue othuithuima ibu kax ma laxle tüiüi.

MÜNCHUAK-TSAI 119:26

Kue mokdaokyabu pangnu kue ngaipu, ilaxle nange ku to lanpu; ku hama nang lomtangbu apua-ano fahüi.

JOB LAIPEX 36:22

Zang tsak-zong chemtukux chongpuix ija texle ataklax; chix a nwotmixbu khama akhokya jao changle.

MÜNCHUAK-TSAI 68:20

Kem Zang a khosünkya Zang changle; chix a Jowanpa, kem Jowanpa changle. Zikmüt mangkho tokya kem chixe tix sünpu.

MÜNCHUAK-TSAI 25:8

Chemthüikoxle Jowanpa a otsao tamchu müikya changle, chixe ochax khünakbu hama hwom le angkya lom anwot-ano fale.

PONGWANG LAIPEX 49:18

“Jowanpa, ku a nang khosün hanpak tanle ngopu.

MIKA 7:7

Ikoxlechu kue a Jowanpa hanpakma nyele ngoüi; ku khosünle kop angkya Zang bama kue mongao chitüile tanle nuiüi.