MÜNCHUAK-TSAI 24:3 - OTSAO BAIBEL (BSI)

³ Jowanpa haxnu to chemningkya khünak dong ang tomüi? Chix Zangshwom-Hom to owa dong ang thoüi?

MÜNCHUAK-TSAI 24:3 ပူးပေါင်းရင်းမြစ်များ

MÜNCHUAK-TSAI 15:1

Jowanpa, nang Zangshwom-Hom to nop ang owae thoüi? Zaion, nang otsao haxnu ma Zang owae shwomüi?

IBRI 12:28

Idaile Zang ang münchong fahax, chemthüikoxle sile alox ang chithokya Wangting keme pongle koppu. Chixe pongle kopkya lima tamchu chix chathua zakya füi keme Zang shwomhax;

MÜNCHUAK-TSAI 65:4

Nange zünle kopkyabu a mongmüi mixbu changle, nang otsao ngwotnui ma ngo ang nange apüikyabu a. Nang homkha ma tüikya müikya tuina füi ku ang mongtexshakya tüiüi, nang otsao Zangshwom-Hom mohimanbu füi a.

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

MÜNCHUAK-TSAI 68:18

Atsuakya khato chix dong, chix füi tomle zandabu koplaxle; alün-aloxle tüikya khünakbu chak tokya chixe hinghobu pongle lax. Jowanpa Zang a ikhato othuithuima ngoüi.

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

1 PUKAX-PANGAO 15:1

Chix ngo angkya hanpakma, Dawid-e Dawid tingnu ma homzai. Jowanpa Tsaotsüt Suak dan angkya hanpakma onui üntoxle ija thom angkya nyihom tuita zai.

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

JUHAN 13:36

Simon Pitar-e chix ang thüi: “Jowanpa, nang ojong khato pao ang?” Jisu-e lan: “Athax ku pao angkya khato nange ku füito ngui ang münthoüi; ikoxlechu füima tho angkya changle.”

EZEKEL 44:5

ilaxle Jowanpae ku ang thüi: “Ziün angkya khünak, nange chem ngünpuix tamchu chem atatpuix ibu to mongkoxle changlax. Kue nang hama Zangshwom-Hom bama wanlombu akax angkya changle. Zangshwom-Hom to chemningkya khünak nguidongle chang ang tom angkya hex ilaxle chem ningkya khünak nguidong ang chitom angkya hex khünkhile zakoplax.

EZEKEL 44:9

“Jowanpa Khüthak Zang, kue ngaipu, ku Zangshwom-Hom to, Khwonzüt-Zom chizingkya mix, ku kax ma chilaxle tüikya mix, Israel khato tomle ngole tüikya mixnokbu ngaxchu, owachu nop ang müntomüi.”