MÜNCHUAK-TSAI 23:5 - OTSAO BAIBEL (BSI)

⁵ Ku zanpabu pangnusae ngün ang kopkya onui ma nange ku hanpakma fongsüt achwon; e-sele tüikya wünpa tuita ningle nange ku ponglekop, üntoxle ku pe a baoxle lyem ngole.

MÜNCHUAK-TSAI 23:5 ပူးပေါင်းရင်းမြစ်များ

EFISIA 3:20

Chix owae kem ang zong mwot makhange keme ju-lomkya chichangba ajang apangkya thak to moktsuak angkya tüipuix,

MÜNCHUAK-TSAI 92:10

Nange ku fao maihupong lailaile tsak-zong füi zingpu; nange ku to mongmüi füi mohimanpu.

MÜNCHUAK-TSAI 45:7

achangchang to nange mongkün ikoxle chichangchang thua nang anu. Ikhokhoma Zang, nang Jowan-e, nang kamle kop ilaxle mama-mama wanghombu thakto süchongchongkya mongmüi nang ang thokle kox.

MÜNCHUAK-TSAI 16:5

Ku ma atüitüi pangnu, Jowanpa, nang tata wüi, üntoxle kue laxli pangwüi nange ku ang koxpu; ku khüzün füichi hanpak nang chak tüipu.

JOB LAIPEX 36:16

Sikngün khatokya Zang-e nang alaipu, ilaxle nang khosün ma mongmüi ngo ang tompu, nang tsap a tsuathale sütli athünkyae awang tüikya.

1 JUHAN 2:20

Ikoxlechu hünzom ma Khrista-e thokle koxkya Otsao Chasa tüipu, idaile hünzom pange wüi otsingtsing awanpu.

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

2 KORIN 1:21

Hünzom füi tomle kwomchu wüi Khrista füikya notom ma oshing mongle thomkya a Zang changle;

1 KORIN 10:16

Jowanpa fongsüt ma keme twonkya wansa oja hanpakma keme Zang ang münchong fapuix; ija angkya keme lingkya zuma, keme Khrista aji ma süntswonpu. Ilaxle keme ashikkya an; otue keme ija saxpuix, keme Khrista tsangtsa ma süntswonpu.

JUHAN 16:22

Ija lailaile athax a hünzom hanpakma mongma tüile; ikoxlechu kue hünzom chatle ngün ang kopüi, ija pongma hünzom ang mongmüi hüiüi, ija mongmüi a hünzom angkya owaechu pale pao ang chithoüi.

MÜNCHUAK-TSAI 104:15

ilaxle hwom mong amüi ang grep ziakbu alai, olip müngabu füi pwonla naxtüi ang alaile kox, ilaxle hwom janzüi naxtüi ang süt alaile kox.

ISAIA 25:6

Ikha Zaion Haxnu ma Jowanpa Khüthak Zang-e chaxwannu nok hanpak ang fongsüt tuita achwon — tüle müikya süt hia sümüikya grepti-ju füia.

MÜNCHUAK-TSAI 116:13

Ku khosün hanpakma münchong fa ang, kue Jowanpa hato grepti-ju tö apüile koxüi.

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

MÜNCHUAK-TSAI 78:19

Hwome Zang zongto kaxma thüile akax, “Sak-hax to Zang-e süt koxtho ang chami?

KAXHO MÜIKYA LUK 7:46

Nange ku khang to pa ang olipe münga chifa, ikoxle she e ku cha a ongan Müikyae awang daoa.

AMOS 6:6

Hünzome ju a pe ma awangle ling ilaxle ongan sümüikya füi pa, ikoxlechu Jusep maxkya to a mongmakya chitüi.

MÜNCHUAK-TSAI 22:29

Ongam füikya khünak pangwüi chix chitong ma akhuxüi; ziün angkya pangnue chix chitong ma akhuxüi.

MATHI 6:17

Ikoxle nange chisax-chilingle zangjopkya hanpak laxkya zuma, mix hato nang atsao alangkya ngün ang taxtom; thünmüt chaktsux tamchu khoshit nasaile changlax.

MÜNCHUAK-TSAI 92:11

Kue ku zanpabu to lütkya ngündaoa ilaxle chichang-chizangkyabu sopkya zing atatdaoa.