MÜNCHUAK-TSAI 22:5 - OTSAO BAIBEL (BSI)

⁵ Hwome nang nyakpu üntoxle ziama chak tokya khang azang ang koppu; hwome nang to ongpu, ilaxle hwom mong chiathopu.

MÜNCHUAK-TSAI 22:5 ပူးပေါင်းရင်းမြစ်များ

ROM NOK HATO ZAKYA POL LAIZA 10:11

Otsao Lai kaxe ile thüile: “Chix to mongongkyabu ang mong athokya müntüi.”

ISAIA 49:23

Wanghombu a nang zongto mapabu ningle changüi; wangchanubu a nang zongto honu hwom ningle changüi. Hwom nang chitong to puiüi ilaxle nang achuaküi; hwome puinaikya füi hünzom chathua zakya ahoüi. Izuma hünzome ku a Jowanpa changpule awanüi; kue fong angkya tanle hungokya ku khünak owa angchu mong münatho.”

ROM NOK HATO ZAKYA POL LAIZA 9:33

Ija bama Otsao Lai ma akax ngokya a ija: “Hulax, Zaion ma kue long tuita danpu, ijae khünaknu chikho asua ang koxüi, Ija longnu tuitae hwom so ang koxüi. Ikoxlechu chix to mongongkyabu, mong münatho.”

1 PITAR 2:6

Chemthüikoxle Otsao Lai-e akaxle, “Kue thalix long tuita zünle koppu; ija kue Zaion ma homkom-longnu ang dan; opange chix to onglaxüi hex, mong athokya müntüiüi.”

ISAIA 45:17

Ikoxle Israel a Jowanpa khosünle, ilaxle she-e lütkya jento ngoüi; she khünaknu a otuechu chie-chisele müntoxüi.’”

MÜNCHUAK-TSAI 106:44

Ikoxle ngaxchu Jowanpa hwome nyak pupu ma hwom kax to lan, ilaxle hwom sikngün chixe ngünle lax.

MÜNCHUAK-TSAI 71:1

Jowanpa, ziakople fa angkya mix lomle ku nang hato hüipu; otuechu ku to lüt ang taxtom!

MÜNCHUAK-TSAI 31:1

Zyakople thom angkya lomle, Jowanpa, ku nang hato hüipu; chemtuechu ku to anao ang taxtom. Nang a otsao Zang changle; ku khosünhüile kue joppu!

KAXFÜNPA-HWOM 6:6

Israel nok a owa hopu-otong chitüikya ningle hwom tu to osam-otam ang achangle pao.

KAXFÜNPA-HWOM 4:3

Jabin ang man-kanlin jan füi zingkya 900 tüikya, ilaxle chixe Israel khünaknu thakma shixle tamchu changnong-pümthomle zangtsa apün. Ifüima Israel khünaknue hwom to asun angkya hanpakma Jowanpa to nyakle sop.

1 PUKAX-PANGAO 5:20

Hwome Zang to mongong thom ilaxle asun angkya hanpakma chix to zangjop, ilaxle Zang-e hwom zangjop to lan ilaxle Hagri nok hia ija füikya zankat üitho pangwüi to hwom ang lüt ang kox.

JEREMIA 50:7

Hwom füi apongpong pangnusae hwom to sing. Hwome zanpabue thüi: ‘Hwome Jowanpa zongto ochax lyendaoa, idaile keme hwom to chemle hwonpuix ija ma thaikya müntüi. Hwom pupa hwome Jowanpa to mongong thom, iningle hwom chuwüi mongong füi ngokoxle müisepa.’

DANEL 3:28

Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.