MÜNCHUAK-TSAI 22:31 - OTSAO BAIBEL (BSI)

³¹ “Jowanpa-e chix khünakbu khosünle” le mapux-mapaikya khünakbu hama apuaüi.

MÜNCHUAK-TSAI 22:31 ပူးပေါင်းရင်းမြစ်များ

MÜNCHUAK-TSAI 78:6

ikoxle tix füinao hwome ibu tsingle naxkoplax ang üntoxle hwome chuwüi taile su-sa hwom hama naxwünlax ang.

MÜNCHUAK-TSAI 86:9

Nange zingle alaikya jat-li pangnusae wüi nang tong to nguilaxle akhuxüi; nang chongkya hwome achuak-achenüi.

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

MÜNCHUAK-TSAI 102:18

Jowanpa chem mokle hüidaopuix ibu mainao hwom tsün thoma zale bang kox, ikoxle tix mapuxkya khünakbue chix achuak-achen ang kopüi.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ISAIA 60:4

Hünzom akhople hulax ilaxle chempang changle ngopuix hulax: Hünzom khünaknu a hom to ngui angkya hanpakma asoxle tüile! Hünzom sasün hwom tsailo nok tokya nguiüi; Hünzom sacha hwom a naosombu ningle tswonle apüiüi.

ISAIA 54:1

Jerusalem, nang a naosa chitüikya mixcha tuita ningle changkya, ikoxle athax a nang tsaingao tamchu mongmüi to akhong ang tho. Athax hünzom ang naosombu huanuma tüiüi lüka mixpa tuitae otuechu danle chitoxkya mixcha ninglea!

MÜNCHUAK-TSAI 40:9

Jowanpa, nang khünaknu tusox ma, nange kwom khosünle kopkya kaxho amüikya kue wünpu. Kue ija mo wünkya münzaktoxüi, ija nang awan ngopu.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.