MÜNCHUAK-TSAI 22:26 - OTSAO BAIBEL (BSI)

²⁶ Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

MÜNCHUAK-TSAI 22:26 ပူးပေါင်းရင်းမြစ်များ

MÜNCHUAK-TSAI 69:32

Chemtue mix fangto ngokyabue ija ngünüihex, hwom ang mongmüikya tüiüi; opange Zang to shwomle tüipuix, hwom ang mong achenüi.

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

MÜNCHUAK-TSAI 40:16

Nang hato hüikya pangnusa mongmüi atungle pwonla dong ang tomkox. Nang khosün hanpakma münchong fale ngokyabu pangnue othuithuima: “Jowanpa, nang a chemtukux chongpuix!”, le thüi ang tomkox.

ISAIA 25:6

Ikha Zaion Haxnu ma Jowanpa Khüthak Zang-e chaxwannu nok hanpak ang fongsüt tuita achwon — tüle müikya süt hia sümüikya grepti-ju füia.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

MÜNCHUAK-TSAI 107:9

Tilan ma zingokyabu ang chixe tilan amüikox ilaxle müikya sütling füi woknuak ma ngokyabu ang wok afwot ang tom.

1 PUKAX-PANGAO 29:10

Ikhama khünaknu tunthoma Dawid-e Zang achuakle thüi: “Kwom putong Jakop Zang, nang a oshuk-okim chitüile naxachuak kox!

MÜNCHUAK-TSAI 40:10

Khosünkya kaxho omüi kue ku mongkha tata ma chithom; chialekya nang mongong hia ofong-otsox bama kue jento akax ngopu. Nang khünaknu tusox ma ku otuechu nang kax ma laxle hia chizakkya mongkün mowün ang ku dangle chingo.

MÜNCHUAK-TSAI 50:14

Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.

MÜNCHUAK-TSAI 116:14

Chix khünaknu pangnu tusox ma kue chem tsaosax daopuix ija kue chix ang koxüi.

MÜNCHUAK-TSAI 116:18

Nang khünaknu tusox ma, Jerusalem angkya nang Zangshwom-Hom otsao nui ma, kue chem tsaosaxle changdaopuix ija kue nang ang koxüi. Kue Jowanpa achuak-achenüi!

JONA 2:10

Jowanpae nyax ang fako to Jona fatle alaitox angkya kaxkox, ilaxle ijae ile mok.