MÜNCHUAK-TSAI 22:23 - OTSAO BAIBEL (BSI)

²³ “Hünzom Jowanpa dapa hwom! Hünzom Jakop su-sa hwom, hünzome chix achuak kox! Hünzom Israel khünakbu, hünzome chix tong shwomkox!

MÜNCHUAK-TSAI 22:23 ပူးပေါင်းရင်းမြစ်များ

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

KAXHO MÜIKYA LUK 1:50

Chix chathua zakyabu hato, tsün ta makhange ata tsün kople, chixe chingcha aho.

MÜNCHUAK-TSAI 115:11

Chix to shwom-tole tüikya khünaknu pangnusae Jowanpa to mongong thomkox. Hünzom to chixe fongpu tamchu kho-awale thompu.

MÜNCHUAK-TSAI 50:23

Münchong fakya a ku achuakle tö koxkya changpu, ku kax ma laxle tüikya pangnusa kho kue sünüi.”

1 KORIN 10:31

Idaile, nang saxkya ma wüi changlax chichangba lingkya ma wüi changlax, nange chem moklaxpuix, tütalichu Zang fuazang angkya hanpakma mokkox.

KAXHO MÜIKYA LUK 2:20

Hwome atat kya hia ngünkyabu khoma Zang mün achuakle tsai ngaonga le chun-nyetmixbu chat; ibu pangnu kaxtaimixe hwom hama akax kya lailaile chang.

ISAIA 25:3

Tüle tsak-zongle tüikya nokbue nang achuakle changüi; mongtsik ashukle tüikya tingnubu to nang thua zakya tüiüi.

MÜNCHUAK-TSAI 145:19

Chix achuak-achenle changkyabu hanpakma laxlili bakle chixe koxle; chixe hwom sopkya zing atatle ilaxle chixe hwom sünle kople.

MÜNCHUAK-TSAI 115:13

Chix achuak-achenle tüikya pangnusa to chixe mohimanüi, chongkya hixkya pangnusa to tomwüi.

MÜNCHUAK-TSAI 106:5

Nang khünakbu ahak-aluale changkya kue ngün ang tomhüi ilaxle nang jat-li hwom mongmüi tomhanle lax ang tomhüi; nang kux ang ngokyabu ngadün füi tomle a.

MÜNCHUAK-TSAI 86:12

O Jowanpa ku Zang, kue ku künmong füi bakle nang achuaküi; othuithuima kue nang chongkya bama khuapuüi.

MÜNCHUAK-TSAI 33:8

Jowanpa achuak kox, chaxwannu pangnue! Chix achuak-achenkox, zangfang angkya khünaknu pangnusae!

MÜNCHUAK-TSAI 22:30

Füichi naolie chix thothaüi; hwom füima hüingokya tsünthom füi hwome Jowanpa mo wünle akaxüi.

MÜNCHUAK-TSAI 26:12

Pangnu thama chak tokya ku azangle tüile; chix khünaknu tusox ma kue Jowanpa achuakpu.

MÜNCHUAK-TSAI 35:18

Ifüima kue nang khünaknu tusox ma nang ang münchong faüi; hwom pangnu tunthoma kue nang achuaküi.

MÜNCHUAK-TSAI 109:30

Kue Jowanpa ang akhongle münchong faüi; kue khünaknu tusox ma chix achuak-achenle changüi,

MÜNCHUAK-TSAI 111:1

Jowanpa achuak kox! Chix khünaknu tusox ma ku mong makhange abakle Jowanpa ang münchong faüi.