MÜNCHUAK-TSAI 21:9 - OTSAO BAIBEL (BSI)

⁹ Chix ngaikya zuma chixe ibu wün füi zokle ashunkya ningle olithu ang tomüi.

MÜNCHUAK-TSAI 21:9 ပူးပေါင်းရင်းမြစ်များ

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

MÜNCHUAK-TSAI 50:3

Kem Zang nguile ngole, ikoxle dangjajale münchang; tüle zaxkya wün chix tunthoma tüile, tüle shixkya zangtsak-zangdung chix akhople tüile.

MÜNCHUAK-TSAI 18:8

Chix nakua makhange wünkhut othwom-othwom alai, zokle ashunkya wünle hia wün füikya wünhan chix wikha makhange alai.

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

MÜNCHUAK-TSAI 2:5

Mongtsik ma chixe hwom füi ile chitüi angkya akax ilaxle chix khompua-zadün füi hwom abüt ang tom.

TSAITONG-KAXTONG 32:22

Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

MIKNGÜN-OHÜN 20:14

Ifüima zik hia lumtingbu tinu ningle tüikya okham-wün khato tswonle awüt. (Ija tinu ningle tüikya okham-wün a anyi lükya zik changpu).

MIKNGÜN-OHÜN 19:15

Anaxkya changlo oja füi chixe chaxwannu nok to anao angkya hex, ija changlo chix wikha angkya lai. Chixe jan kaithox füi hwom thakma apün angkya changle, üntoxle tüle shixkya Khüthak Zang mongtsik grep-ti fyetnui to chix cha füi tingüi.

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MATHI 22:7

Wanghompa ang tüle mongma ilaxle chix dabu langkya khünakbu hia hwom tingsho zokle ashun ang mama dabu tsanle apao.

MATHI 13:50

ilaxle chitsaokyabu hwome wünkha to zokle ashunüi. Ikhato hwom sopkya hia wa azyakkya tüiüi.”

MATHI 13:42

ilaxle hwome za adünkya ibu okham-wün khato awütüi.

MATHI 3:12

Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

MATHI 3:10

Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

MÜNCHUAK-TSAI 106:17

Ifüima chaxwan kang ilaxle Dathan jok üntoxle Abiram hia chix homkha ikhama chwople zu;

JOB LAIPEX 6:3

tinu khatokya sak füi ngaxchu sülixle bangse, idaile ku tsaima-kaxshixkya to hünzom tax-abüt.

PONGWANG LAIPEX 19:28

Chixe Sodom hia Gomorah üntoxle haxsha pangwüi to asongle hukoxle chaxwan angkya wünkhut laile, tsanzok wünchao lailaile ding to dongkya ngün.

IZRA 6:12

Zang owae chix to shwom-tö angkya hanpakma onui ang Jerusalem zünle koplax puix, chixe wüi, opange ija kaxtom kax ma chilaxle tüilaxpuix tamchu ikha angkya Zangshwom-Hom ama ang azong laxpuix, ibu wanghombu hia jat-libu to lütle naxchang kox. Ija kaxtom, Dairas, kue koxdaoa. Ija ku kaxtom komkaile apa angkya wüi changle.”

MÜNCHUAK-TSAI 18:38

Kue hongle anguakkya hwom a tamchizopu; ku pomtho ma hwom a lütdaokyabu ang achangle ngopu.