MÜNCHUAK-TSAI 21:7 - OTSAO BAIBEL (BSI)

⁷ Wanghompa-e Jowanpa Khüthak Zang to mongongpu; üntoxle chizakle Jowanpa mongkün khokho ma chix a jento khang azangle ngoüi.

MÜNCHUAK-TSAI 21:7 ပူးပေါင်းရင်းမြစ်များ

MÜNCHUAK-TSAI 16:8

Jowanpa womle tüikya kue othuithuima awanle; tütaechu ku to sile alox ang müntho, chix a ku zui ma tüile.

MÜNCHUAK-TSAI 91:2

ija khünake chix ang thüitsuaküi, “Nang a ku ziakopmix tamchu kho-awa pa changle. Nang a ku Zang; kue nang to mongongpu.”

MÜNCHUAK-TSAI 26:1

Jowanpa, ija bama kue chemchu müntik koxa, le ngaifa, chemthüikoxle kue chem supuix ija mokwüi ilaxle komkaile mongong thompu.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

MÜNCHUAK-TSAI 9:2

Nang khokhoma kwome mongmüi tungle tsai ngaoüi. Khüthak Zang, kue nang achuakle tsai ngaoüi.

IBRI 2:13

Chixe ilechu wüi thüi: “Kue ku mongong Zang ma thomüi.” Chixe ilechu thüile, “Zange ku ang fakya chixsu chixsabu füi ku ikhama tüile.”

DANEL 7:14

Apün-awang angkya tsak-zong, münchong, hia wangtsak-wangzong chix ang kox, ilaxle zangfang angkya khünaknüsa pangnu jat-lie chix thothale chang ang tom. Chixe apün-awangkya ma oshuk müntüiüi, ilaxle chix wangting münashuk toxüi.

1 SAMUEL 30:6

Dawid hato müimamakya mongthang hüi chemthüikoxle chix khünakbu hwom sa-nu hwom bakle amütkya khoma Dawid füi mongtsik mongmale chang. Hwome chix to long füi thup ang aza-ana; ikoxlechu Jowanpa chix Zang-e chix ang chachen-mongchen kox.

MATHI 27:43

Chixe Zang to ongle; chix ma Zang jangtüi thüiningle chixe naxazün koxa; chemthüikoxle chixe ma Zang Hosa changpule akaxle.”

MÜNCHUAK-TSAI 61:4

Ku othuithuima nang otsao nui ma ngo ang tomhüi; nang-kui nang-zangbu fang ma ku chaza chemchu chitüile ngo ang tomhüi. Selah

MÜNCHUAK-TSAI 13:5

Ojem chifünkya nang mongkün to kue mongongpu; nange ku khosün angkya daile ku ang mongmüipu.

MÜNCHUAK-TSAI 45:3

Nang changlo latkoplax, tsak-zong chongle tüikya wanghompa; nang a fuazangkya tamchu apünkya changle.

MÜNCHUAK-TSAI 72:17

Wanghompa mün otuechu chialakle naxngokox; zanghannu tsün lokya tukuxle chix mün fua-hi-zangle naxngokox. Pangnu jat-lie Zang ang hwom to mohimanfa le naxthüikox chixe wanghompa to mohimankya lailaile a.