MÜNCHUAK-TSAI 20:1 - OTSAO BAIBEL (BSI)

¹ Nang sikngün ma ngopongma Jowanpa nang to naxlanfa! Jakop Zang-e nang ziakople naxthomfa!

MÜNCHUAK-TSAI 20:1 ပူးပေါင်းရင်းမြစ်များ

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

MÜNCHUAK-TSAI 138:7

Chemtue ku to sikngüne akhop-khakle changpuix, nange ku kho sünle thom. Mongtsik ashukkya ku zanpabu füi nang alün ilaxle nang tsak-zong füi ku sünle kop.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

MÜNCHUAK-TSAI 83:18

Zangfang pangnu thakma apünkya a Jowanpa a nang tata wüile hwome tsing ang tomkox.

MÜNCHUAK-TSAI 46:1

Zang a kem loxkax changpu, üntoxle sikngün pongma fong ang jento achwonle ngokya janzüi changpu.

JEREMIA 30:7

Nu zao hanpak tuita hüile ngole; ija nyix füi mama nyix chemningkya chu apyen ang münmüi— ku khünaknu hanpakma künmax-mongshan hanpak tuita, ikoxlechu hwom a münzi-münmax.”

MÜNCHUAK-TSAI 60:11

Zanpa füi azan ang kwom to asunhüi; khünake asunkya a chem angchu münchang.

MÜNCHUAK-TSAI 114:2

Judah a Jowanpa otsao khünakbu ang achang, Israel khünakbu a chix kux ang achang.

MÜNCHUAK-TSAI 50:5

Chixe thüi: “Ku to mongong thomkya ku khünaknu asoxhüi, tö hia danbu koxkya makhange ku füi Tsaotsüt laxkyabu a.

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

MÜNCHUAK-TSAI 41:1

Mixshix zasabu tuitexle tüikya a mongmüi mix changpu; chemtue thangnak tuitaile changüihex Jowanpa hwom to fongüi.