MÜNCHUAK-TSAI 2:1 - OTSAO BAIBEL (BSI)

¹ Jat-libue büthüikoxle alün-alox angkya katzua thompuix? Khünaknue muato maxün angkya kam büthüikoxle thapuix?

MÜNCHUAK-TSAI 2:1 ပူးပေါင်းရင်းမြစ်များ

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

MÜNCHUAK-TSAI 46:6

Jat-libu a abüt-abanle, wangtingbu a abünle; Zang atsak-adung, ilaxle chaxwannu achuk.

MÜNCHUAK-TSAI 21:11

Hwome chix zan to ka angkya katzua laxüi, ikoxlechu hwome chithoüi.

MATHI 21:38

Ikoxle mwotmok mixbue sasün ngünkya zuma thüi: ‘Ija a hopunu sasün tsingtsing changle; oman, kemepi chix langhax ilaxle chix tuina komle keme laxhax.’

ISAIA 8:9

Jat-libu, hünzom zalaxle asoxlax! Apalax, hünzom haxtua-zangnam tokyabu. Azan ang achwonlax, ikoxlechu zalax! Changle, achwonlax, ikoxlechu zalax!

MÜNCHUAK-TSAI 18:42

Kue hwom zutle akhixpu, ikhoma hwom zangwin to jeple paokya haxbu ang achangpu. Lomnutang tokya haxthom to nakpupule kue hwom to nakpu.

WANGSHEMBU MWOT 5:33

Ija kax atatlaxle nguakhobu ang wün ma lai khi le mongtsik dong üntoxle wangshembu mik amütse tsu.

KAXHO MÜIKYA LUK 18:32

Chix a mixnokbu ang owüiole koxüi; hwome chix haoüi, adix-adaüi, ilaxle chix to thuake thuaküi.

WANGSHEMBU MWOT 16:22

Khünakbuchu wüi afomle hakle hokhi to zothup; Alixachongbue Pol hia Sila nyi nyiza akyet üntoxle hwom ang hokhi to fitmüi angkya kaxkox.

KAXHO MÜIKYA LUK 22:5

Hwom ang huanuma mongmüi, ilaxle chix ang ngun koxüile tsao.

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

MÜNCHUAK-TSAI 57:9

Jat-libu khama kue nang ang münchong faüi, O Jowanpa. Kue khünaknu tu ma nang achuaküi.

MÜNCHUAK-TSAI 74:23

Nang zanpabu mongtsik ashukle akhong ngokya taxalak, ojao chithwon nang zanpabue akhong ngokya zing a.

MÜNCHUAK-TSAI 83:3

Hwome nang khünaknu zongto chimüikya mok ang huxsa ma tungle; nange kho-awale thomkyabu zan to ka ang hwome tungle ngole.