MÜNCHUAK-TSAI 19:9 - OTSAO BAIBEL (BSI)

⁹ Jowanpa chathua zale tüikya a amüikya changle; ija a tamchithwonle jento ngole. Jowanpa kaxfünbu a sukya changle; ibu a othuithuima mapai-mix-chizünkya kaxfün changle.

MÜNCHUAK-TSAI 19:9 ပူးပေါင်းရင်းမြစ်များ

1 SAMUEL 12:24

Nang kün-hi-mong tokhange zongbakle mongong tüikya füi Jowanpa thothale changkox. Hünzom hanpakma chixe mokkya ohünotün mwotbu taxalak.

MÜNCHUAK-TSAI 119:142

Nang otsao a othuithuima ngoüi, ilaxle nang wanlom a jento sule.

MÜNCHUAK-TSAI 119:1

Thaikya chitüile Jowanpa wanlom fang ma ngotsuak puix, ibu khüzün a mohiman changpu.

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

MÜNCHUAK-TSAI 115:13

Chix achuak-achenle tüikya pangnusa to chixe mohimanüi, chongkya hixkya pangnusa to tomwüi.

MÜNCHUAK-TSAI 111:10

Jepa tuita ang achang angkya olom a Jowanpa chathua za angkya changle; chix kaxtombu kax ma laxle tüikyabu ang chixe tsaothakya kaxfün fale. Chix a othuithuima achuak angkya wüi changle.

1 WANGHOMBU 18:12

Jowanpa Chasa makhange ku tok füima lüile nang chingün-chizik chaxwan to pikle paole jangchangba? Ifüima kue Ahap hama nang ikhama tüile le wünkoxüi, ikoxle chixe nang chiatakle changkya zuma, chixe ku langle awütüi. Ku naosa ma tüitan tokhange wüi mongkoxle Jowanpa to shwomkya mix tuita changpule texle ataklax.

TSAITONG-KAXTONG 4:8

Jat-li owa angchu, hwom tütatukux chongle tüikoxlechu, anyix kue hünzom ang anwot-ano koxkya ningkya sukya wanlom owa angchu müntüi.

PONGWANG LAIPEX 42:18

Nyix azom lükya to Jusep-e hwom ang thüi: “Ku a Zang thua zakya mix tuita changle, kue hünzom danle apaoüi, ikoxlechu chifün tuita ma.

MIKNGÜN-OHÜN 19:2

Chix kaxfünbu otsingtsing, tamchu sukya changle. She müi-hi-aji mongzok füi, zangfang fün amakya tsahangcha, chixe thajao ang tomdaoa. Chix thothakyabu langkya khoma, Zange she sikngün ang tom.”

MIKNGÜN-OHÜN 16:7

Ifüima zomtong makhange akaxkya kaxzing kue ile atat, “Jowanpa Khüthak Zang! Nang kaxfün otsingtsing, tamchu sukya changle!”

ROM NOK HATO ZAKYA POL LAIZA 2:2

Ile mokngokyabu hanpakma chixe kaxfün fakya ma Zang münthaile keme awanpu.

ISAIA 26:8

Kwome nang mongtex man topu ilaxle nang ma kwom monghom thompu; kwome sung-zaokya pangnu a nangtix changle.

MÜNCHUAK-TSAI 119:106

Sukya nange adangle fakyabu kax ma laxle tüi angkya kue ku kaxtsao otia ma thomüi.

MÜNCHUAK-TSAI 119:7

Kue nang otsao kaxfün tsingle hüikya füi tomtomle, küntsao-mongtsaokya füi kue nang achuaküi.

MÜNCHUAK-TSAI 36:6

Nang otsao a haxnukhobu lailai tsuale; nang sukya a tinu shinthuk jithong büta zule. Khünaknu hia müi-nyax nangkui-nangzang fang ma.

MÜNCHUAK-TSAI 36:1

Chichangchizangkyabu füi ochaxe hwom mong othongdua to zangwünle; hwome Zang awütle üntoxle chix chathua zakyajao müntüi.

MÜNCHUAK-TSAI 10:5

Chichangchizangkya khünake pangnuli tsuak. Hwome Zang kaxfün bama ojao chiawantsuak; hwome hwom zanpabu tsünle.

NEHEMIA 5:15

Ku thoma Gowarnor ang ngole hüikya khünakbu a khünaknu zongto hünlit ang achangle tüikya, chemthüikoxle hwome nyixfokya to hwom angkya khop ngunkhix punyi pong, süt hia ju hanpak ang jule lax. Hwom dabue ngaxchu khünaknu to sikangün. Ikoxlechu kue ile chimok, chemthüikoxle kue Zang achuakachenle tüikoxle.

LAIPAO 21:1

“Israel khünakbu ang wanlom ibu laxkox:

PONGWANG LAIPEX 22:12

Chixe thüi: “Nao to chak taxmok chichangba tütale chu taxchang. Nange hünsa tuita wüi tüikya chix ang münkoxpu le chiamongkya ngünlaxle athax kue nang ma Zang achuak-achenkya hia chix kax ma laxle tüikya ngünle laxdaoa.”

ROM NOK HATO ZAKYA POL LAIZA 11:22

Ikhama keme Zang chemle chiadu tsuakkya hex tamchu chemle chingchae awangkya hex ija ngün ang kople. Opang dütle ngoün laxpuix hwom füi chix münadutsuak, ikoxlechu hünzom chix chingcha ma jangngo thüiningle chixe hünzom to chingchaüi. Ikoxle hünzom chuwüi ile chitüi thüiningle punle awütüi.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

MÜNCHUAK-TSAI 147:19

Chixe chix khünaknu hato chix kaxho fa, Israel khünaknu ang adangle fakya hia chix wanlombu kox.

MÜNCHUAK-TSAI 119:75

Jowanpa, nang kaxfünbu a otsao changpule kue awanpu, ilaxle nang ma chialekya mongong tüikya khoma nange ku to sikangünpu.

MÜNCHUAK-TSAI 119:62

Nang otsao kaxfünbu achuak ang ku zangnak twomtingle ngaxchu mik azangle zopu.

MÜNCHUAK-TSAI 119:39

Ku zale ngokya thajao-wünhai chak tokya ku azünhüi; nang kaxfünbu chemtukuxkya ohünotün changpuix!

MÜNCHUAK-TSAI 12:7

Chichangchizangkyabu a tütakhahex tüihule, üntoxle chem ochax hex ija pangnusae achuakle. Kwom a othuithuima khosünle thom hüi, O Jowanpa, üntoxle iningkya khünakbu chak tokya kwom sünle thom hüi.

MÜNCHUAK-TSAI 119:111

Nang kaxtombu a oshuk chitüile ku süntswon; ibu a ku mongkha mongmüi changle.

ISAIA 45:19

Kue huxsa ma zang chiwün chichangba ku mongtex pyenle chithom. Kue Israel khünaknu ang khünak chingokya haxtok to ku lomlaxle chithüi. Ku a Jowanpa changle, ilaxle kue kaxtsing zang wünpu; Chem supuix ija kue awanle fapu.”