MÜNCHUAK-TSAI 19:7 - OTSAO BAIBEL (BSI)

⁷ Jowanpa Wanlom a okhonguikya changle; ijae janzüi hozün koxle. Jowanpa kaxtombu a mongong tüikya wüi changle, je chitüikyabu ang je kox.

MÜNCHUAK-TSAI 19:7 ပူးပေါင်းရင်းမြစ်များ

MÜNCHUAK-TSAI 119:130

Nang hwon-nwot akhix-akhanle wünkyae zangngai fale.

MÜNCHUAK-TSAI 111:7

Chixe mokkya mwotlom pangnu ma chixe chialekya mongong füi mokle; chix kaxtombu pangnusa wüi chalomlukyakya wüi.

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

WANWÜNKAX 1:4

Ijabue jali apongle hüidaokya khünakbu ma tsingtsang zaile chang ang tamchu tsünzün thom ang chemle sütlom-mwotlom awanle tüi ang tomüi.

MÜNCHUAK-TSAI 23:3

Chixe ku ang janzüi hozün kox. Chixe ku changkya lomnu to zun, ija a chixe tsaokya lailaile chang.

MÜNCHUAK-TSAI 119:105

Nang kax a ku lomzun angkya wüntik changle ilaxle ku lomtang hanpakma wünnyan.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

2 TIMOTHI 2:19

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

MÜNCHUAK-TSAI 93:5

Jowanpa, nang wanlombu ma oshuk müntüi, tsün-tsün to nang Zangshwom-Hom a otsing tomtata ma otsao changle.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

ROM NOK HATO ZAKYA POL LAIZA 15:4

Otsao Lai kaxe fakya zongdün hia adukya makhange kem ang monghom tüi angkya bama, Otsao Lai ma chem zalaxpuix, pangnu wüi kem hama anwot-ano ang zapu.

MÜNCHUAK-TSAI 119:111

Nang kaxtombu a oshuk chitüile ku süntswon; ibu a ku mongkha mongmüi changle.

JIHUSUA 1:8

Hünzome Zangshwom pongma chithaile Wanlom laipex e angkya münalak-o thüilax. Zangnak zangngai ija müile aju-ajanglax, ilaxle ima zale tüikya pangwüi kax ma laxle tüile-ole thüilax. Ile jangchangba nang a ahak-aluale tamchu tho-lünle changüi.

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

MÜNCHUAK-TSAI 119:72

Nange ku ang fakya Wanlom ku zongto müima müile, chaxwannu angkya ngun-syen pangnu füi ngaxchu wüi sümüi.

MÜNCHUAK-TSAI 18:30

Zang ija: chix mwotbu chemtukux okhonguikya hex! Chix zangwünbu ma chemtukux mongong angkya tüipuix! Kho-awa angkya chix ma lomkyabu hanpakma chix a di tuita ningle changpu.

JOB LAIPEX 23:12

Kue othuithuima Zang kaxtom ma laxle mokpu; Kue chix mongtex topu, kue tsu-luakya ma chilaxpu.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

MÜNCHUAK-TSAI 119:24

Nange adangle fakyabue ku ang mongzom amüile; ibu a ku zongto adangpabu changle.

MÜNCHUAK-TSAI 119:14

Tuina huanuma tüile changkya füi ngaxchu sütsexle, nang kaxtombu mantole chang angkya ku ang mongmüipu.

JUHAN 5:39

“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle.

ISAIA 8:16

Hünzom, ku wangshembue Zang-e ku ang fakya kaxhobu nyele tamchu sünle thom angkya oli changpu.

MÜNCHUAK-TSAI 119:152

Nange adangle fakyabu bama kue kaitanto wüi awanle hüipu; nange ibu jento ngo angkya hanpakmale zing.

MÜNCHUAK-TSAI 119:9

Khüse-naochabue ma tsün atsaole chemle thomüi? Nang kaxtombu kax ma laxle tüikya füitix.

2 SAMUEL 23:5

Ilaxle ija ningle Zang-e ku sixlibu to mohiman angkya changle, chemthüikoxle chixe ku füi othuithui hanpak ang tsaotsütle changdaoa, tamchu chiama angkya tsaifün-kaxwün tuita, otuechu chialex angkya kaxtsao tuita a. Ibibi a ku mong ma tsukya changle; ija a kue tholünkya ang changüi, ilaxle Zang-e chithaile ija ile chang ang tomüi.

MIKNGÜN-OHÜN 19:10

Chix shwom ang ku chix chitong ma akhux, ikoxle chixe ku ang thüi: “Nange ile taxchang! Kuchu wüi hünzom füi tamchu hüntüi hünnaohom, opange Jisu-e angaikya otsingtsing ma shingmongle koplaxle tüipuix, hwom lailaikya da tuita changle. Zang shwomkox! “Chemthüikoxle Jisu-e angaikya otsingtsing a cheme ajebu mong ma zangwün puix ija changpu.”

ROM NOK HATO ZAKYA POL LAIZA 3:2

Huanuma wüi, changjao changle, olom pangnusa ma wüi! Owang ole, Zange chix Otsao Lai kax (müile twon angkya hanpakma) Jehudi khünakbu ang koxle.