MÜNCHUAK-TSAI 19:13 - OTSAO BAIBEL (BSI)

¹³ Anaole chu chaktung ochaxbu chak tokya ku azünhüi; ibue ku thakma apün ang taxkox. Ile chang füima ku nguiwangkya tuita ang achangüi ilaxle ochax haxshix chak tokya ku khangkho zangngaile changüi.

MÜNCHUAK-TSAI 19:13 ပူးပေါင်းရင်းမြစ်များ

MÜNCHUAK-TSAI 119:133

Nange tsaodaokya ningle, düt ang chitomle ku kople thom hüi; ku to ochaxe lüt ang taxtom.

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

1 SAMUEL 25:39

Chemtue Dawid-e Nabal zikya zing atatpuix, chixe thüi: “Nomfui, Jowanpa; ku ajaokya khoma chixe Nabal to olüix khomdaoa ilaxle chix dapa kue thaile mokse pa abaxdaoa. Jowanpae Nabal to chix ochax khoma sikangündaoa.”

MÜNCHUAK-TSAI 7:10

Zang a ku kho-awapa changle; chix kax ma laxle tüikyabu chixe sünle.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

PONGWANG LAIPEX 20:6

Wünmang chito Zang-e lan: “Nange küntsao-mongtsaokya füi mokpu le kue awanpu; ikhoma kue nang ang, she to twonle, ku zongto ochax lyenle thaithaxkya chitüi angkya kuxmale kue abax thompu.

2 PITAR 2:10

tamnüilechu opang müi-hi-aji olom to chitsaokya to mong zalokya füi ahampuix, üntoxle Zange apün-adakya thua anupuix, ibu hanpakma. Ibu othai hwon-nwotmixbu a mong tsakle tüikyabu üntoxle ma mongtextex ma saxmok le tüile, üntoxle thakchi to fuazangle tüikyabu thua hwom münza; itülüi hwome ibu adix-adale.

MÜNCHUAK-TSAI 18:23

Ku ma thaikya chemchu müntüile chixe tikle ngopu, chemthüikoxle thaikya mwot füi ku lualua to atsaile ngokoxpu.

MÜNCHUAK-TSAI 11:7

Jowanpa a otsao üntoxle müikya mwot to mongkünle; ibu mwotmüi mokkyabu chix womle tüikya khama ngoüi.

LAIPAO 21:14

Ikoxle khünak tuitae mongtsik laxle mix langle jangchang, chix a mik max ang tom angkya wüi changpu; ku shwomnui to nguile chang koxlechu ija mixsün a lang angkya wüi changle.

LIWI 4:2

Israel khünaknu hama, chaktung ma chichang koxlechu owawae ochax lyenle Jowanpa kaxtom wanlom pünle jangchang, hwome ibu wanlom zomzingle chang angkya oli.

LIWI 4:13

Anaole chitsing laxle Israel khünaknu othomthome ochax lyen, ikoxle ija noknu miksho ma pyenle thom, ilaxle Jowanpae taxmokle abaxkya tütali thaile moklaxle ochax kople jangtüiba;

LIWI 4:22

Ikoxle ochax lyenkya mix a lompa tuita jangchang ilaxle chaktung ma chichang koxlechu Jowanpa kaxtom amakya tuita ang jang achang,

LIWI 4:27

Khünak owawae ochax lyen ilaxle chaktung ma chichang koxlechu ija Jowanpa kaxtombu kax ma chilaxkya ang achang,

JOB LAIPEX 34:32

Zang ang nang thaikya ahohüile akax düicha? Ochax mokle mün-ngole mong notom düicha?