MÜNCHUAK-TSAI 18:9 - OTSAO BAIBEL (BSI)

⁹ Chixe zangding akyetle awüt laxle chix cha fang ma zangfwom fwomnak laxlaxle thai.

MÜNCHUAK-TSAI 18:9 ပူးပေါင်းရင်းမြစ်များ

TSAITONG-KAXTONG 33:26

Israel khünaknu, hünzom Zang lailaikya mama baozangbu müntüi, zangding kho akaile fixfax-jikjeple, zangfwom ding ma ngalaxle nang jua fong ang nguile.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

2 PITAR 3:10

Ikoxlechu Jowanpa Nyix a ahuxmix ningle nguiüi. Ija nyix zangdingbu tüle-tüle ozing alai le azutle paoüi, üntoxle ding to tüikyabu tüle-tüle khamkyae ashunle amütüi, üntoxle haxwannuchu ikhama tüikya zünmok füi afomle maxüi.

IBRI 12:26

Iponge chix kaxzinge chaxwan sile alox, ikoxle athax chixe tsaodaoa: “Tamchatle kue, chaxwannu tata le chichangle zangding ngaxchu sile aloxüi.”

JUHAN 13:7

Jisu-e chix ang thüi: “Kue chem mokpuix, athax nange münawan; ikoxle nange füichi ma awanüi.”

MARK 15:33

Tungto shene khonta azom chaxwan pangnu khato wüi haxshix zangnak.

MATHI 24:29

“Ija pongma sikngün füima thuile, zanghan nyankya zaküi; lyetnuechu münnyanüi; lyettsibu punle dütüi; ilaxle ding tokya tsakzongbu, aloxle achikachexüi.

JOEL 3:16

Zaion Haxnu makhange Jowanpa akhongle; Jerusalem makhange chix kaxzing atsak-adungle; zangding hia chaxwannu abünle. Ikoxlechu chixe chix khünaknu kho awaüi.

2 SAMUEL 22:10

Chixe zangdingkho akyet ilaxle hax to thai, chix cha fang ma nakkya zangfwom koplaxle.

ISAIA 51:6

Zangdingkhobu to angakle hulax; chaxwannu to hunolax! Zangdingbu a wünkhut samkya ningle samle paoünüi; chaxwannu a nyitsyen buikya ningle sumle paoünüi, ilaxle khünaknu pangwüi hwom zikya ningle zile paoünüi. Ikoxlechu kue apüikya khosün a jento ngoüi; kue lütkya ija a oshuk-okim changüi.

MÜNCHUAK-TSAI 68:4

Zang ang tsai ngaokox, chix mün achuakle ngaokox; owa zangfwom khoma ngale tüipuix, chix lomtang achwonkox; Chix mün a Jowanpa changle: chix womle tüikya to mongmüikox!

LAIPAO 19:18

Sinai haxnu to bakle wünkhut füi tukle kop; ile Jowanpa ija ding ma wün füi ju. Wünkhut a tsanzok wünchao lailaile dong, Khünaknu a tüle abünle za.

MÜNCHUAK-TSAI 50:3

Kem Zang nguile ngole, ikoxle dangjajale münchang; tüle zaxkya wün chix tunthoma tüile, tüle shixkya zangtsak-zangdung chix akhople tüile.

MÜNCHUAK-TSAI 97:3

Wün chix tunthoma le le ilaxle chix akhople tüikya chix zanpabu zokle ashunle.

ISAIA 66:15

Jowanpa a wün füi hüiüi. Chix a zangchei ozang ma piüi ilaxle chix ang mongtsikkyabu to sikangünüi.