MÜNCHUAK-TSAI 18:20 - OTSAO BAIBEL (BSI)

²⁰ Kue changkyakya wüi mokkoxle Jowanpae ku ang hingho koxle; chixe ku to mohimanle chemthüikoxle ku a oma chemchu chitikkya mix chang koxle.

MÜNCHUAK-TSAI 18:20 ပူးပေါင်းရင်းမြစ်များ

MÜNCHUAK-TSAI 24:4

Opang mwot hia tutex ma tsaothale tüipuix, owae chapabu to chishwom puix chichangba othai to tsaosaxle chichangpuix, ibutix nguidong tsuaküi.

1 KORIN 3:8

Owae otsang küi üntoxle owae tie li, hokhi a tuitata wüi changle, ilaxle hokhi pangnyie wüi, chix mwot ma thütle ma hingchak kop angkya changle.

MATHI 6:4

Ile changkoxle tix, nange tö fakya, huxsa mwot ang achangüi. Hopa owae ija nange mokkya huxsa mwot ngünle ngolaxpuix, chixe nang ang otia ma hingho faüi.

WANWÜNKAX 11:18

Otsingtomtata ma chichang-chizangkya khünakbue olüi chemchu münkop, ikoxlechu nange sukya mwot mokle jangchang, nange olüi kop angkya jao changpu.

MÜNCHUAK-TSAI 58:11

Khünaknue thüiüi: “Otsingtsingsa ma otsao khünakbu ang hingho koxdaoa; zangfang ang kaxfün fakya Zang tüijao tüile.”

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”

ISAIA 49:4

Ku thüi: “Kue mokdaoa, ikoxle ija mongong angkya jao chitüile changle! Kue ku janzüi twondaoa, ikoxlechu tsuakkya kha chemchu chitüi.” Ikoxlechu ku zangwün khose angkya hanpakma kue Jowanpa to ongpu; kue mokdaokya khoma chixe ku ang hingho koxüi.

JOB LAIPEX 22:30

Oma lomtang chemchu chitikle sukya mwot mokle jangtüi thüiningle, Zang-e nang khosünle kopüi.

MÜNCHUAK-TSAI 26:6

Jowanpa, ku a chem chitikkya mix le aho ang kue chak sopu, nang tö-tsap akhople zangshwom ang angüipu.

MÜNCHUAK-TSAI 18:24

Ile kue sukyakya wüi mokkya khoma chixe ku ang hingho fapu, chemthüikoxle ku a oma mün chemchu chitikkya mix changpule chixe awanle ngokoxpu.

MÜNCHUAK-TSAI 7:8

Nang a khünaknu pangnu kaxfünpa changle. Kuchi ma sele kaxfün fahüi, O Jowanpa; nange awan ngopu ku a chemmün chiawankya mix changpule.

MÜNCHUAK-TSAI 7:3

O Jowanpa, ku Zang, kue owawa zongto thaile jangchangdaoba, kue zuikhui owawa jangdyendaoba chichangthüiba chemtsai-chemkax chitüi khato kue ku zanpa — owawa zongto changnong-pünthomle jangtüidaoba kue ibu tuita ngaxchu mokle jangchangdaoba:

1 SAMUEL 24:17

Ifüima chixe Dawid ang thüi: “Nang wüi supu, ikoxle ku wüi thaipu. Kue nang zongto chimüikya ipongpongle mokkox ngaxchu nang a ku zongto ipongpongle müipu!

JOB LAIPEX 36:16

Sikngün khatokya Zang-e nang alaipu, ilaxle nang khosün ma mongmüi ngo ang tompu, nang tsap a tsuathale sütli athünkyae awang tüikya.

MÜNCHUAK-TSAI 31:9

Jowanpa, ku to chingchahüi, chemthüikoxle ku a thangnak ma tüile; tüle sople ngokyae ku mik nadaoa; ku a komkaile chamax-muasamle changdaoa.

MÜNCHUAK-TSAI 118:5

Ku khosam pongma kue Jowanpa to nyak; chixe ku kax to lan ilaxle ku dan.