MÜNCHUAK-TSAI 18:2 - OTSAO BAIBEL (BSI)

² Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

MÜNCHUAK-TSAI 18:2 ပူးပေါင်းရင်းမြစ်များ

MÜNCHUAK-TSAI 144:2

Chix a ku khowapa tamchu wintuk-hantha, ku khangkhomnui tamchu khosünpa changpu. Chem khong-kha chitüile ngo angkya hanpakma kue chix to mongong thompu. Chixe chaxwannu nok ku chitong to pui ang tom.

MÜNCHUAK-TSAI 62:7

Ku khosün hia münchong Zang füifüi; chix a ku kho-awapa changle chongkya janzüi füi; chix a ku zakzui angkya nui müikya changpu.

MÜNCHUAK-TSAI 91:2

ija khünake chix ang thüitsuaküi, “Nang a ku ziakopmix tamchu kho-awa pa changle. Nang a ku Zang; kue nang to mongongpu.”

MÜNCHUAK-TSAI 19:14

Ku zangwün hia ku tutexbu nang zongto pongle koptsuakkya lima naxchang, O Jowanpa, ku khangkhom nui üntoxle ku shakkop-pupa!

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

MÜNCHUAK-TSAI 62:2

Chix tatae tix ku kho awale koppu; ku ziakople thom angkya chix tata wüi, ilaxle ku to otuechu münlütüi.

2 SAMUEL 22:3

Ku Zang a ku khowapa, ilaxle chix ma ku azangle ngopu. Chixe di lailaile ku to tukle thom; chixe ku khose ilaxle ozün ma thom. Chix a ku khosünpa; chixe ku kho awale tamchu chakmok-janlang chak tokya khosünle thom.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

MÜNCHUAK-TSAI 91:4

Chixe nang to chix kui-zang füi ole thomüi; chixe humele nang kho sünle thomüi; chialekya chix mongonge nang ziakople tamchu kho-awale thomüi.

IBRI 2:13

Chixe ilechu wüi thüi: “Kue ku mongong Zang ma thomüi.” Chixe ilechu thüile, “Zange ku ang fakya chixsu chixsabu füi ku ikhama tüile.”

WANWÜNKAX 2:7

Otsao ma hia sule tüikyabu to chixe fongle tamchu chixe hwom kho-awale.

MÜNCHUAK-TSAI 28:1

O Jowanpa, ku khosekya mix, kue nang nyakpu. Ku sopkya zing apahüi! Nange ku kaxto chilan thüikoxle, Ku a amalum pan thaikyabu khato wom angkya changle.

MÜNCHUAK-TSAI 59:11

Hwom a taxlangünkox, O Zang, chichangba kwom khünaknue alakle asamüi. Nang janzüi makhange hwom to lütlaxle chiakle sam ang tomkox, O Jowanpa, kwom kho-awapa.

MÜNCHUAK-TSAI 75:10

Chixe chichang-chizangkya khünakbu tsak-zong akhixle awütüi, ikoxlechu otsao khünakbu tsak-zong a sisile zax-zangüi.

MÜNCHUAK-TSAI 132:17

Ikhama kue Dawid su-sa hwom khama tuita pongwün wang ang achangüi; Münga füi lile kamle kop angkya kue achwondaoa.

LAIPAO 15:2

Jowanpa a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

MÜNCHUAK-TSAI 116:1

Kue Jowanpa to mongkünpu, chemthüikoxle chixe ku kax atatle; chixe ku zangjopbu zing apale.