MÜNCHUAK-TSAI 17:3 - OTSAO BAIBEL (BSI)

³ Nange ku mongkha awan ngopu. Nang ku hato zangnak ma nguipu; nange ku to komkaile wanle anopu, ilaxle ku ma ochax lom to mongtsukya chemchu chiatakpu. Mix lailaile

MÜNCHUAK-TSAI 17:3 ပူးပေါင်းရင်းမြစ်များ

MÜNCHUAK-TSAI 26:2

Jowanpa, ku to thwontsingle tamchu wanle anohu; ku mongtsukya hia tutex, ibu to kaxfün fale anohu.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

MÜNCHUAK-TSAI 39:1

Kue thüi: “Kue chem mokpuix khünkhikhile moküi, ku le makhange ku ochax to düt ang müntomüi; Ochax khünakbu ku zui ma tüipongma kue chemchu münakax.”

JOB LAIPEX 23:10

Ikoxlechu ku chikap tiale Zang-e awan ngopu; chixe ku to wanle jangano; chixe ku otsaole atakse.

MALAKI 3:2

Ikoxle chix nguikya nyi owae adule thoüi? Chix ngai pongma ozün ma owa ngoüi? Chix a tuita tsakkya sabon ningle, tamchu tu-hi-khop achukle atsaokya wün ningle changüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

MÜNCHUAK-TSAI 139:1

Jowanpa, nange ku to thwontsingle anopu ilaxle ku tsingle laxpu.

MÜNCHUAK-TSAI 119:106

Sukya nange adangle fakyabu kax ma laxle tüi angkya kue ku kaxtsao otia ma thomüi.

MÜNCHUAK-TSAI 66:10

Nange kwom to thwontsingle ano, Zang; wün füi khop-jan achukle wankya ningle, nange kwom to wanle ano.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

MIKA 2:1

Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

HOSIA 7:6

Changle, hwome mix tha ama ang tungkya makhange hwom fongbak wün lailaile chua.

JEREMIA 50:20

Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”

WANWÜNKAX 13:3

Nange chem zangwünpuix ija bama khünzailax ilaxle nang khüzün awale koplax. Füitui texkya chitüile zangwünkya khünake ma max angkya atakle.

MÜNCHUAK-TSAI 16:7

Chixe ku lomzunkya khoma, kue nang achuakpu, Jowanpa ilaxle zangnak ma ku tutexe ku ang kaxkhün koxle.

MÜNCHUAK-TSAI 11:5

Chixe chimüikya hia müikya khünak pangnu to tomwüi wanle anole; wanlom fang ma chingo tsuakkyabu to chixe mong makhange jao anule.

JOB LAIPEX 24:14

Mix mik amütkya mix swomsae wüi zolaxle, tuimix-nuakmixbu lang ang laile pao; ilaxle zangnaknak ma chixe ahux.

1 SAMUEL 26:23

Mongong füi tüikya hia otsao khünakbu ang Jowanpae hingho fale. Anyix chixe nang ku chak to koxpu, ikoxlechu kue nang to chemchu chithüi: chemthüikoxle nang a tuita Jowanpae zingkya wanghompa changle.

1 SAMUEL 24:12

Künyi opupu thaipuix, Jowanpae tix fünle naxfa. Nange ku zan to kale ngokya bama Jowanpae nang towüi sikangünle naxchang, chemthüikoxle kue nang to oma ikuxsa ngaxchu mokle münchang.

WANGSHEMBU MWOT 16:9

Pol-e ija ja mikngün ohün ngün. Ijama chixe Mesidonia tokya mixsün tuita ajong laxle: “Mesidonia to nguilaxle kwom to süfonghüi!”, le chix sekya ngün.

1 SAMUEL 24:10

Nange hukoplax, athax ile longkun mong ma nang a Jowanpae ku chak to koxdaokya. Ku khünak züizüibue nang a langkoxhule thüikya, ikoxlechu nang hanpakma ku mongto kak ilaxle kue nang to ikuxsa ngaxchu chakmok-janlangle oma chemchu chimoküi, chemthüikoxle nang a tuita Jowanpae kamle kopkya wanghompa changle le kue akaxpu.

JAKOP 3:2

Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

1 KORIN 4:4

Ku khangka tsaotha le tüile, ikoxlechu ijae ku sukya mix changpu le ahoüi münchang. Ku bama kaxfün angkya a Jowanpa changle.

1 SAMUEL 26:11

Chixe wanghompa ang zünle kopkya khünak to kue chakmok-janlangle chang angkya Jowanpae ku abaxhüi! Kemepi chix paxlo hia tipe lanlan laxlax toxhax.”

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

1 PUKAX-PANGAO 29:17

Nange pangnusa kün-mongto thwontsing ilaxle khünak opang thajao wünhai chitüile tüilaxpuix, ibu füi nang mongzom müikya kue awanpu. Sukya hia mongkoxkya makhange ibu pangwüi kue nang chak to danpu, ilaxle ikhama tüikya nang khünaknu ibu tö chemtukux mongmüi atungle asox ngotüipuix, ija kue ngün ang kople.

MÜNCHUAK-TSAI 139:23

O Zang, ku lomlax, ilaxle ku kün-mong awanlax! Wanle anolax ilaxle ku tutexbu tsingle koplax!

JEREMIA 12:3

Ikoxle, Jowanpa, nange ku tsingle ngopu; kue chem mokpuix ija nange ngünpu tamchu kue nang to mongkünkya a. Lang angkya chun linle paopu ningle ibu ochax khünakbu linle paodao; hwom lang angkya tu nguikya kople hwom to nyele thomkox.