MÜNCHUAK-TSAI 17:15 - OTSAO BAIBEL (BSI)

¹⁵ Ikoxlechu kue nang ngün ang kopüi, chemthüikoxle kue thaikya mwot chimok; üntoxle chemtue ku zopuix, nang womle tüikya mongmüie ku awangle tüiüi.

MÜNCHUAK-TSAI 17:15 ပူးပေါင်းရင်းမြစ်များ

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

MATHI 5:6

“Zang mongtex mwot mokse tsukyabu mohiman; Zange hwom to chingchaüi!

MÜNCHUAK-TSAI 11:7

Jowanpa a otsao üntoxle müikya mwot to mongkünle; ibu mwotmüi mokkyabu chix womle tüikya khama ngoüi.

MÜNCHUAK-TSAI 16:11

Khüzün lom to alyet angkya lomtang nange ku hama ahoüi; nang womle tüikya ma ku mongmüie awang üntoxle othuithuima ku ang mongmüi apüi.

FILIPI 3:21

Jali pangnu chix wanlom fangma apüi ang thokya zong twonlaxle ziün angkya ija muakya kem tsangtsa tsün lüi üntoxle ibu fuazangkya chix tsangtsa ningle zi

ISAIA 26:19

Ziünkya kem khünakbu tamchatle azangüi! Hwom tsangtsa azangle chatüi. Hwom opang zukting ma jiple ngotüipuix ibu zolaxle mongmüile tsai ngaoüi. Nyenti atsitle saikyae chemle chaxwantok azün ang tompuix, ija ningle Jowanpae kaiwüi zile ngoünkyabu azün ang tomüi.

MÜNCHUAK-TSAI 65:4

Nange zünle kopkyabu a mongmüi mixbu changle, nang otsao ngwotnui ma ngo ang nange apüikyabu a. Nang homkha ma tüikya müikya tuina füi ku ang mongtexshakya tüiüi, nang otsao Zangshwom-Hom mohimanbu füi a.

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

JIHUSUA 24:15

Hünzome chix thothase le chitsu, hünzome opupu thothaüihex, ija anyix wüi wünle tsuaklax; hünzom pupa hwome Mesopotamia nok to shwomle hüikya baozangbu to shwomüi hia chichangba athax kem ngole tüikya Amor noke shwomkya baozangbu to shomüi. Kwom homkha tamchu ku, kwome a Jowanpa thotha lüwüi ngoüi.”

HUAKE LAIPEX 12:8

Idaile kue chix füi thün-khang asaole tamchu tsaisong-kaxnong ma chichang homtoxle ngaithole zangwünpu; chixe kusün-kujo ngaxchu wüi ngünle laxdaoa! Ikoxle ku dapa Mosa zongto chichangle zangwün ang hünzom ang chem mongchong laxpu?”

MÜNCHUAK-TSAI 119:111

Nang kaxtombu a oshuk chitüile ku süntswon; ibu a ku mongkha mongmüi changle.

MÜNCHUAK-TSAI 49:14

hwom a chunbu lailaile zimax angkya laipu, ilaxle zik tix hwom chunnyetpa changpu. Selah otsao khünakbue hwom to anaoüi, hwom tsangtsa chwonle shanle paopongma mahax mahombu füi atsaile ochu amalumting to.

MÜNCHUAK-TSAI 5:7

Achongkya nang mongkün khokhoma ku nang hom to ngui ang thopu; Shwomle kue nang otsao Zangshwom-Hom ma achuak-achenle nang tong to akhux ang thopu.

JOB LAIPEX 14:12

Khünaknu zile pao, tamchu chizole. Zangding otia ma ngoüi ikoxlechu hwom jip a münzo; jiple ngokya hwom mik tam-münazang.

JEREMIA 31:26

Ifüima khünaknue thüiüi: ‘Ku mikngün müile jip laxle puakalongle zole.’