MÜNCHUAK-TSAI 17:1 - OTSAO BAIBEL (BSI)

¹ Jowanpa, sukya kaxfün bama kue tsaiju-kaxjukya to apahüi; fonghüile ku sopkya to natha hüi! Loplüile chitüikya ku zangjop to apahüi.

MÜNCHUAK-TSAI 17:1 ပူးပေါင်းရင်းမြစ်များ

MÜNCHUAK-TSAI 142:6

Asunle fahüile ku sopkya zing atatlax, ku a jejao pale dütdaoa. Ku zanpabu chak tokya ku khosünhüi; ku zongto hwom a müimamale tsakle.

MÜNCHUAK-TSAI 61:1

O Zang, ku sopkya zing atatlax; ku zangjop to apahüi!

1 JUHAN 3:21

Idaile kutüi-kunaohom, ma tutexe kem ahai le chitüiba, Zang womle tüikya ma kem ang mongchyen tüipu.

MATHI 15:8

“‘Ibu khünak tun zaza ma, ku hato hüile; hwome le füi ku achuakle; ikoxle hwom mongtsang a, ku füi ochu towüi.

MÜNCHUAK-TSAI 145:18

Chix se-lomle changkyabu zongto chix a nuisox ma tüile, künkox-mongkoxle se-lomkyabu zongto a.

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

MÜNCHUAK-TSAI 142:1

Fong angkya lomle kue Jowanpa to nyakpu; kue chix ma chingcha jupu.

MÜNCHUAK-TSAI 140:12

Jowanpa, nange chitüi-chinang khünaknu khosele changkya tamchu mixshix-zasabu ang sukya kaxfün koxkya kue awanle.

MÜNCHUAK-TSAI 86:1

Jowanpa, Ku kax apahüi üntoxle ku to lanhüi, chemthüikoxle ku a fongmix owa chitüile shonaikya mix changle.

MÜNCHUAK-TSAI 66:19

Ikoxlechu otsingtsingma Zang-e ku to apa; chixe ku zangjop to apa.

MÜNCHUAK-TSAI 43:1

O Zang, ku a chemmün chiawankya changle le ngaifa, üntoxle Zang chilaxle tüikyabue ku ma tsaitox-kaxfele tüikya chak tokya ku kho-awale thomfa; tsetwon-khualop hia ochax khünakbu chak tokya azünfa!

MÜNCHUAK-TSAI 18:20

Kue changkyakya wüi mokkoxle Jowanpae ku ang hingho koxle; chixe ku to mohimanle chemthüikoxle ku a oma chemchu chitikkya mix chang koxle.

MÜNCHUAK-TSAI 7:8

Nang a khünaknu pangnu kaxfünpa changle. Kuchi ma sele kaxfün fahüi, O Jowanpa; nange awan ngopu ku a chemmün chiawankya mix changpule.

2 PUKAX-PANGAO 7:15

Kue ija Zangshwom-Hom to nyele ngoüi ilaxle ikhama jopkya zangjop pangwüi to apa ang ku achwonle tüile,

MÜNCHUAK-TSAI 5:2

Fonghüile akhong pongma ku to apahüi, ku Zang üntoxle ku wanghompa! Kue nang to zangjoppu, O Jowanpa;

JUHAN 1:47

Jisu-e Nathanel chix hato hüikya ngün ilaxle chix bama thüi: “Israel khünak tsingtsing to hulax; chix ma thaikya chem müntüi!”

MÜNCHUAK-TSAI 18:44

Mixnokbue ku chitong ma akhuxpu; ku zing atatle changpongma hwome ku kax ma laxpu.

NEHEMIA 1:6

Ku to hulax, Jowanpa, ilaxle ku zangjop atatlax, Israel khünaknu nang dabu hanpakma zangnak zangngaile kue zangjop ngokya a. Kwom, Israel khünaknue ochax lyendaoale kue ngaipu. Ku pupa hwome tamchu kue ochax lyenle hüidaoa.

JEREMIA 3:10

Ibu pangnu ile chang füima, Judah, mongong chitüikya Israel nanaonu, ku hato chat-tong-ole dyenla; she ma mongpak-fünthokya ojao chitüi. Jowanpa, kue ija akaxdaoa.”

2 SAMUEL 22:24

Ku ma thaikya chemchu müntüi chixe awan, chemthüikoxle kue chisule moklaxle ku thai ang chitom.

JOB LAIPEX 16:17

ikoxchu ku changnong-pünthomle thaikya chem müntüi; Zang tokya ku zangjop shingmong lüwüi tüipu.

MÜNCHUAK-TSAI 54:4

Ikoxlechu Zang a ku to fong angkya Zang changle. Zang a ku kho-awa angkya Zang changle.

MÜNCHUAK-TSAI 55:18

Chixe ku tamchatle kuimüi-zangmale apüiüi tüle-tüle tüikya ku zanpabu füi ku azanle hüikya zan tuntho tokya a.

MÜNCHUAK-TSAI 61:2

Khosam ashukle tamchu ochu tokhange kue nang nyakpu! Chaza angkya chemchu chitüile khangkhom angkya nui to ku paofa,

MÜNCHUAK-TSAI 84:9

Kwom wanghompa to mohimanhüi, O Zang, nange kamle kopkya wanghompa a.

MÜNCHUAK-TSAI 86:6

Jowanpa, ku zangjop to apahüi; fonghüile ku sopkya zing atat-hüi.

MÜNCHUAK-TSAI 88:3

Ku dingma sikngün huanu dütle tüile ikhoma ku zi angkya hato soxle tüile.

MÜNCHUAK-TSAI 102:2

Chemtue ku sikngünle changpuix, ipongma ku hato tok taxaho! Ku kax apahüi, ilaxle kue nyakpongma momle lanhüi!

MÜNCHUAK-TSAI 143:1

Jowanpa, ku zangjop zing atatlax! Nang otsao ma kue ju-lomkya to apahüi; chialekya nang mongong füi ku to lanhüi!