MÜNCHUAK-TSAI 16:5 - OTSAO BAIBEL (BSI)

⁵ Ku ma atüitüi pangnu, Jowanpa, nang tata wüi, üntoxle kue laxli pangwüi nange ku ang koxpu; ku khüzün füichi hanpak nang chak tüipu.

MÜNCHUAK-TSAI 16:5 ပူးပေါင်းရင်းမြစ်များ

MÜNCHUAK-TSAI 73:26

Ku tutex hia tsangtsa azu lechu chang koxlax, ikoxle Zang a ku tsak-zong changle; othuithuima kue lomkya a chix tix changpu.

MÜNCHUAK-TSAI 142:5

Jowanpa, ku to fongle fa angkya hanpakma nang nyakle ku akhongpu; Jowanpa, nangtix ku khowapa changpu; ku tsün ma kue lomkya nang tata wüi.

MANGSOP 3:24

Ku ma tüikya Jowanpa wüi, ikhoma kue chix ma ku monghom thompu.

MÜNCHUAK-TSAI 23:5

Ku zanpabu pangnusae ngün ang kopkya onui ma nange ku hanpakma fongsüt achwon; e-sele tüikya wünpa tuita ningle nange ku ponglekop, üntoxle ku pe a baoxle lyem ngole.

MÜNCHUAK-TSAI 119:57

O Jowanpa, nang a kue lomkya pangnu changpu; nang wanlombu kax ma laxle tüi angkya kue tsaopu.

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

MÜNCHUAK-TSAI 89:4

‘Nang sixli makhange jento wanghom ang achang ngoüi; kue nang wangting tsüntsün hanpak ang sünthomüi.’” Selah

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

ISAIA 53:12

Ikhoma kue chix ang achuak-achenkya ngwotnui koxüi, chongkya hia tsak-zong füikyabu ngokya khato a. Chixe chix tsün küntsu-mongluale kox ilaxle ochax khünakbu shoma ahanle lax. Chixe ochax khünaknu ngwotnui lax ilaxle hwom ang thailak tüi angkya hanpakma zangjop.”

MÜNCHUAK-TSAI 116:13

Ku khosün hanpakma münchong fa ang, kue Jowanpa hato grepti-ju tö apüile koxüi.

MÜNCHUAK-TSAI 9:4

Nange kaxfün fa masüi-mixlüikya chitüile, nange kuchima sele kaxfün fale.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

MÜNCHUAK-TSAI 132:11

Jowanpae Dawid füi otsingtsing kaxtsao sax, ija tsaosüt hato chixe tok aho angkya chichang: “Nang sasün hwomkha angkya tuitae nang manma wanghompa ang achangle apünüi.

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

1 KORIN 15:25

Chemthüikoxle Zange zan pangnu to anaolaxle chix chifa fangma mathom tanto Khrista-e apün angkya changle.

MÜNCHUAK-TSAI 125:3

Otsao khünakbu haxtok to chichang-chizangkya khünakbue othuithuima apünle münngo; hwome ile apünle jangthomba, otsao khünakbu chuwüi chichangchizangle paoüi.

MÜNCHUAK-TSAI 11:6

Ochax khünakbu ding to adütle chixe wün füikya wündix üntoxle chuale ngokya khat; tamchu zokle ashunkya zangwin ibu füi chixe hwom sikangünle.

EFISIA 5:18

Hünzom olithu angkya jue nang to taxtok; itülüi Chasae awangle ngolax.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

WANGSHEMBU MWOT 2:32

Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu.

TSAITONG-KAXTONG 18:2

Hwome mama homjenbu lailaile haxtok münkopüi; ikoxle Jowanpae tsaodaokya ningle, zompu-zangpabu ang achangle Jowanpa thotha angkya a hwom süntswon changpu.

JIHUSUA 22:25

Chixe kwom tamchu hünzom Reuben hia Gad, kem bama longzi ang Jordan shuanu zingdaoa. Hünzome Jowanpa füi chem mok angkyachu müntüi’ le hünzom su-sabue kwom su-sa hwom füi nak-akaxle zalaxle kwome ile mokpu. Füichima hünzom su-sabue kwomsu-kwomsa hwom ang Jowanpa to shwomkya chu abaxle wüi changtüi.

JIHUSUA 22:27

hünzom hia kwom, kem bama tamchu kem füima füichi-naoli hwom tsün thoma, kwome Jowanpa to chix Nyihom ma zokle ashunle tö koxkya hia notom-tusüi töbu koxle otsao nui ma Jowanpa to shwomkya changtomtapu lükya münwan tuita ang naxngolax ang tamchu hünzom tokfüi ma, füisu füisabue kwom ang Jowanpa füi tüta mok angkyachu müntüile akax angkya kaxlom naxtsyen ang mokpu.