MÜNCHUAK-TSAI 16:4 - OTSAO BAIBEL (BSI)

⁴ Mama baozangbu hato paokyabue hwom hato alüile thamabu apüile. Hwome tö koxkyabu khato ku münwomüi; kue hwom baozangbu to münshwomüi.

MÜNCHUAK-TSAI 16:4 ပူးပေါင်းရင်းမြစ်များ

LAIPAO 23:13

“Jowanpa kue akaxkax to hünzome nathale apalax. Mama baozangbu to taxjop; ibu mün ngaxchu taxlün.

JIHUSUA 23:7

ilaxle hünzom khama danle toxkya mixnok khünakbu füi hünzom tomsax-tommok le chichangüi chichangba hwom baozangbu mün lünle zang chiwünüi chichangba tsaosaxle changpongma ibu mün chilünüi chichangba ibu baozangbu to shwom-to le chichangüi chichangba ibu tong to puinaile chichangüi.

MÜNCHUAK-TSAI 97:7

Chapa shwomkyabu pangwüi zakkop ang tomle; baozangbu pangwüie Jowanpa tunthoma akhuxle.

MÜNCHUAK-TSAI 32:10

Chichangchizangkya khünakbu a sikngün angkya changle, ikoxlechu Jowanpa to mongong tüikyabu, chithwonkya chix mongkün füi ziakople thomüi.

JONA 2:8

Opange laxli chitüikya chapabu to shwomle changpuix, ibue nang tsai-kax ma laxkya dantoxpu.

ISAIA 57:6

Ikhatokya longtom müikyabu tswonle koplaxle ibu to baozang changpule shwom. Ibu chitong to shwomle hünzome jubu thok tamchu ibu hato saxziakbu apüile töbu kox. Hünzome ibu mokkya füi ku ang mongmüile le hünzome texpia?

JEREMIA 7:18

Naosombue ha afox, mixpabue wüntak, ilaxle hwome baozangchanu le nyakkya baozang ang kox angkya hanpakma mixnu hwome an atswomle atsan. Hwome ku mong thomzünle chang angkya hanpakma mama baozangbu ang chuwüi ju apüile töbu kox.

ISAIA 66:3

“Khünaknue hwom zongma chemle müipuix ija ningle mok. Tö ang kox angkya hanpakma maihupong tuita langpuix chichangba khünak tuita langpuix hwom zongto tuitata wüi changle; hwome chun hosa tuita to koxle wüi changlax hisa tuita ngom azople wüi changlax; hwome saxziak tö koxpuix chichangba wak aji koxpuix, hwom zongto tuitata wüi; ongan müikya zo zokle changpuix chichangba chapa tuita to shwomle changpuix, hwom zongto tuitata wüi. Hwome ile dyenlale shwom-tole changkya olom hwom zongto müihule.

ISAIA 65:11

“Ikoxle hünzom opange ku chilaxle awütpuix, tamchu ku otsao haxhua, ilaxle sho amüi angkya baozangbu Gad hia Meni to shwompuix, hwom hanpakma chixlili changüi.

LIWI 23:13

Ija füi tomle süt tö hanpak ang hünzome akhix tuak anyi olip münga füi awon laxkox. Ija tö koxkya ongan a Jowanpa zongto tüle zingle müikya changle. Ifüi tomle hünzome grepti-ju tsoxta wüi tö ang laxkox.

PONGWANG LAIPEX 35:14

Zang-e chix füi zangwünle changkya khama Jakop-e münwan ang long athün ilaxle ija to grepti-ju hia olip müngae lile atsao.