MÜNCHUAK-TSAI 16:3 - OTSAO BAIBEL (BSI)

³ Jowanpa to mongong tüikya khünakbu chemtukux ataxkya hex! Hwom füi ngo angkya a ku mongmüi akhokya changpu.

MÜNCHUAK-TSAI 16:3 ပူးပေါင်းရင်းမြစ်များ

IBRI 6:10

Zang a masüi mixlüikya münchang. Hünzome ma füikya khristan üithobu ang kox-zun le ngokyabu üntoxle fongkya olom tokhange chix hato mongkün ahokya chichangba hünzome mokdaokyabu chemchu chixe alak angkya münchang.

WANWÜNKAX 13:20

Jetüi-hwonlangkya khünakbu füi zuikhui zinglax jangchangba nang jetüi-hwonlangkya mix ang achangüi. Nange ongat khünakbu füi zuikhui jangzing thüiningle nange thama ataküi.

WANWÜNKAX 12:26

Otsao khünak a chix zuikhui hanpakma lompa tuita changpu, ikoxle chichang-chizangkya khünak lomtange hwom othai to alyetüi.

2 PUKAX-PANGAO 6:41

Athax, ajonghüi, Jowan Zang, Tsaotsüt Suak oja nang janzüi münwan hex, ija füi tomle Zangshwom-Hom ma nguilax, ilaxle ikhama othuithuima ngolax. Nang zompu-zangpabue mokkya mwot pangwüi to mohimanhüi ilaxle hwom zongto nang tüle müikya khoma nang khünaknu pwonla tungle ngo ang tomkox.

WANGSHEMBU MWOT 9:13

Anania-e lan: “Jowanpa, chix huak bama tamchu chixe Jerusalem angkya nang khünaknu to za adünle zothupkya bama khünakbue ku hama wündaoa.

MALAKI 3:17

Jowanpae thüi: “Hwom a ku khünaknu ang changüi. Chemtue kue moküihex, ija nyix a hwom ku mamixbu ang changüi. Ma thothale tüikya su-sa hwome honu-hopae chingchale tüikya ningle kue chu hwom to chingchakya tüiüi.

ISAIA 62:4

Nange ang “Awütle thomkya”, le münnyaküi, Chichangba nang haxtok ang “Awüt thomkya kakonu”, le münnyaküi. Nang ang fakya mün hozün a “She füi Zag mongmüikya tüile”, le changüi. Nang haxtok ang “Mongmüi-Pwonlale aju-asomkya”, le nyaküi, Chemthüikoxle Jowanpa ang nang füi mongzom müikya tüile, Ilaxle chix a nang haxtok bama tuipa tuita ang achangüi.

WANWÜNKAX 8:31

Chaxwannu füi mongmüi ilaxle khünaknu füi pwonla dong.

MÜNCHUAK-TSAI 119:63

Ku a nang thothale ngokya pangnusa zuikhui changpu, nang wanlom kax ma laxle tüikyabu zuikhui a.

MÜNCHUAK-TSAI 116:15

Chemtue chix khünak tuita zile paopuix, ijae Jowanpa mongto chemtukux kakpuix!

MÜNCHUAK-TSAI 101:6

Zang to mongong tüikyabu ang kue müipule thüiüi ilaxle hwom a ku homkha ma ngo ang tomüi. Tsaitox-kaxfe angkya chitüile ngokyabu ang ku thothale chang ang tomüi.

MÜNCHUAK-TSAI 30:4

Jowanpa achuakle tsai ngaokox, chix to mongong tüikya khünak pangnu! Otsaopa-e chem mokdaopuix texle ataklax, üntoxle chix ang münchong fakox!

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

TSAITAX-NGAONÜI 7:10

Ku a ku mowünpa kux changle, chixe ku to mikzalole.

MÜNCHUAK-TSAI 122:8

Ku haxnu-homsa hia zuikhuibu hanpakma kue Jerusalem ang thüipu: “Nang ma tumüi-lomkhaokya tüihüi!”